Batalov Taldyqorǵandaǵy úsh mekteptiń qurylysymen tanysty
Aralaý kezinde óńir basshysy Amandyq Batalov ár nysanǵa qatysty eskertpelerin aityp, atqarylyp jatqan jumystardyń sapasyna basa nazar aýdarýdy tapsyrdy.
Oblys ortalyǵyndaǵy 300 oryndyq mýzyka mektebi jańa Ońtústik-Batys turǵyn aýdanynda ornalasqan. Eki qabatty mektep ózine ǵana tán sáýlettik sheshimimen erekshelenedi, ǵimarattyń keipi amfiteatrǵa uqsas, 200 orynǵa arnalǵan jeke kontsert zaly bar. Nysandaǵy jumystar kestege sáikes júrgizilýde.
Osy aýdanda 1200 oryndyq jalpy bilim beretin mekteptiń de qurylysy júrip jatyr. Amandyq Batalov aýmaqty abattandyrýdaǵy kemshilikterge, ǵimaratqa qoiylǵan jeldetkish shilterdiń, karnizderdiń sapasyna qatysty syn-eskertpelerin aityp, qajet jaǵdaida aýystyrýdy tapsyrdy.
1200 orynǵa arnalǵan taǵy bir mektep oblys ortalyǵynyń soltústik-batys aýdanynda salynýda. Bas merdigeri – «Melior Logistik», jobalaýshy uiym – «Arlan-Joba Qurylys» JShS. Bul bilim nysanynyń qurylysy shilde aiynda aiaqtalýy tiis. Qazir ishki árleý jumystary júrip jatyr.Osy barǵanynda oblys ákimi mekteptiń qasbeti túsiniń qandai bolatynyn naqtylap berip, sol siiaqty tańdalǵan ishki esikterin, jaryq shamdary men eden plitkalaryn kórip, maquldady.
Osy úsh nysannyń da salynyp bitetin merzimi shilde aiy dep josparlanyp otyr. Bilim kúninde bul bilim oshaqtary óziniń alǵashqy tárbielenýshilerin qabyldamaq.
Óńir basshysy salynyp jatqan kottedj qalashyǵyn da nazardan tys qaldyrmady. Onda qazir 48 tórt bólmeli páterden turatyn, jalpy alańy 5,8 myń m2, bloktalǵan 12 kottedj salynyp jatyr.
Aralaý barysynda aitylǵandai, jyl sońyna deiin jalpy quny 2,4 mlrd. teńge bolatyn 202 páterlik 166 kottedj turǵyzý kózdelgen. Oblys basshysy Amandyq Batalov kottedjdi qalashyq aýmaǵynda sham baǵanalaryn aýystyrýdy eskertti.
Sonymen qatar jańa drama teatry qurylysynyń barysyn kórdi.
Osy aralaý kezinde qala ákimdigi oblys basshysyna turmystyq qatty qaldyqtardy suryptap jinaýǵa arnalǵan qoqys jáshikteriniń zamaýni úlgilerin kórsetti. Ázirge «Qaratal» shaǵyn aýdanyndaǵy alańdardyń birine 2 zamanaýi qoqys jáshigi qoiylǵan. Onyń birine plastik, shyny, metall, qaǵaz, polietilen, aǵash siiaqty qurǵaq qoqys jinalsa, ekinshisine dymqyl, iaǵni organikalyq jáne taǵam qaldyqtary salynady. Mamyr aiynda qalada osyndai alańnyń sany 150-ge jetpek.
Amandyq Batalov jańa konteinerlerdi ornatýmen qatar qurǵaq jáne dymqyl qaldyqtar dep suryptap tastaý qajettigin turǵyndarǵa túsindirý kerektigin aitty.
Aralaý sońynda oblys ákimi Amandyq Batalov salynyp jatqan árbir nysannyń eń aldymen sapasyna basa nazar aýdarý qajettigin, usaq-túiekke deiin erekshe mán berýdi tapsyrdy.
– Turǵyzylyp jatqan nysandardyń ainalasyn kórkeitý jumystary nazardan tys qalmaýy kerek, sol siiaqty shaǵyn sáýlettik formalar ornatylýy tiis, jáne olardyń árqaisysy jańa nysandy tolyqtyryp, aishyqtap, ashyp turatyndai bolýy qajet, – dedi A. Batalov.
Almaty oblysy ákiminiń baspasóz qyzmeti
https://dalanews.kz/34204
