Ońtústik turǵyndary «Shabyt» kúnin atap ótti
Is-sharanyń saltanatty ashylýyna qatysqan oblystyq «Qoǵamdyq kelisim» mekemesiniń basshysy E.Baiqonaqov 20 aqpan men 1 naýryz aralyǵynda ótetin merekelik is-sharalardyń mán-mazmunyna toqtaldy.
Jiynda sóz alǵan oblystyq ózbek etnomádeni birlestiginiń múshesi, qolóner sheberi I.Rafikov 15 jyldan beri qazaq halqynyń zergerlik buiymdaryn jasaýmen ári nasihattaýmen ainalysyp kele jatqanyn aitty.
«Adam balasy ejelden áshekei buiymdardy kiimniń ajyramas bóligi retinde sanaǵan. Qazaq halqynyń erte zamannan bastaý alǵan zergerlik óneri halyq ómirimen, tarihymen, sharýashylyǵymen tyǵyz bailanysta damyp keledi. Ár týyndynyń astarynda tereń mán-maǵyna bar. Osy dúnieler arqyly bolashaq urpaq óziniń tek-tanymyn bilip, tarihi sanasynyń jańǵyrýyna múmkindik alady», – dedi Ikramjan Rafikov.
Sondai-aq, bul kúni oblysymyzdyń barlyq aýdan, qalalarynda «Yntymaǵy jarasqan Qazaqstan!» atty shyǵarmashyl daryn ieleriniń qolóner buiymdary men shyǵarmashylyq óner týyndylary kórmesi uiymdastyrylsa, mektepter men kolledjderde tap osyndai taqyrypta shyǵarmashylyq baiqaýlar ótkizildi.
Aita ketý kerek, erteń 1 naýryz – Alǵys aitý kúni aiasyndaǵy onkúndik sharasy «Kórshige izet» merekesimen jalǵasatyn bolady. Ondaǵy maqsat – óńirimizdegi kórshiler arasyndaǵy qarym-qatynasty bekemdeý, kórshige qurmet kórsetýdi nasihattaý.
OQO ákiminiń baspasóz qyzmeti
