«Nege bizde kárisi de, jasy da “bári ózi” bolǵandy jaqsy kóredi? Stsenarii avtory da ózi, rejisseri de ózi, oǵan qosa basty roldi súiikti ózi oinaýy kerek. Sońynda kótere almaityn shoqpardy qosa kóterem dep, kótere alatyn shoqparyna da shamasy kelmei qalady.
Nurtas Adambaidyń “Tarazynda” da sony kórdik.
Iá, shyndyq qatal da qatygez. Biraq kinonyń boiaýy búgingi kúndiki emes. Toqsanynshy jyldary, sanasań, otyz jyl buryn túsirilýi kerek “týyndy” edi.
Nurtas “Kelinka” úshin urys estigende “Shlagbaýmdy” kórip, oilaǵan siiaqty. “Aa, senderge qarańǵy kino kerek pa, má”. “Erkebulan kerek pa, má”. Qarańǵylyq bar, negativ bar, pessimizm bar. Biraq rejisserlik kózqaras, pozitsiia týraly aitýǵa áli erte. Bul turǵyda Nurtastyń feisbýktaǵy posttary qyzyǵyraq. Al «Taraz», áli de erikkenniń ermegi. Qorqaqtardyń atysy, kezdeisoq bireýlerdiń bárin qyryp salýy… onymen eshkimdi tańqaldyra almaisyń.
Biraq moiyndaiyq, kino ádemi bastalyp kele jatyp edi. Taksisti qospaǵanda, kóliktegi tórteý. Bári únsiz, siresken better. Árqaisysy óz oiymen.
Eki qyzdyń klýbqa kele jatqan tusynan bastap áserdiń bári buzyldy. Beikúnálikti oinaimyn dep kózin qaita qaita baqyraita bergen G. Jolanovanyń qylyǵynan jasandylyq bastaldy. Ary qarai atys shabys. Ekranda kádimgidei drama bolyp jatsa, zal jyrq jyrq etip kúledi.
Óitkeni munda boeviktiń shemasy bar da, qisyn joq. Mysaly, ashýly Qudai siiaqty Álidei baidyń balasy, ásirese, ony “nevanilnyi krasavchik” (E.Tursynovtyń sózi) Jandos Aibasov oinasa, qalaǵan qyzyna qoly jetpeidi degenge sený qiyn.
Nemese Aidar (Nurtastyń ózi), atys bolyp jatqan kezde ólgen qyzdy ainalyp tolǵanyp otyrǵany nesi? Ózin qutqarý instinkti qaida? Onyń qasynda Tólepbergen Baisaqalovtyń “aqyry” senimdi. Jany qyl ústinde turǵanda, Asandiki ne mahabbat? Nemese qalyńdyqtyń shkaf aǵalary sonsha jerden at arytyp kelip, Aidardyń ólip jatqanyn bir kórip ketýge de jaramady ǵoi…
Shyny kerek, munda Erkebulan Daiyrovtan basqa kóz toqtatatyn eshteńe kórmedik. Erkebulan keshe ǵana jiptiktei bala edi, qazir bet júzinde biografiia bar, ashynǵan adamdardy ainytpai keiipteitin bolypty.
Jai otyrǵannyń ózinde kókjal siiaqty, al aiqasqanda jaraly kókjal siiaqty)). Nurtas “Tarazǵa” qazirgi qazaq kinosyndaǵy buqamoiyndar men betinen zári tógilgenderdiń bárin jinaǵan, biraq bári jabylyp bir Erkebulanǵa partner bola almady. Al tompiǵan baýyrsaq Nurtastyń ózi sol qatýly júzderdiń arasyna úilese almai júr.
Sosyn bul kinoda saspens jetispedi. “Oibai, jaqyndap qaldy, qashyńdar, ketińder, áne, mine” dep oryndyqta otyra almai ketý degen joq. Sodan da ma eken, “Tarazdan” keiin toimai qalyp, Tim Bertonnyń “Miss Perigrinine” kirdik. Kádimgi ertegi siýjet, biraq sonshalyqty alańdaisyń, eleńdeisiń. Ái, bul — qiial, fentezidiń janynda “Taraz” degen tiri adamdar, ózimizdiń qazaqtar edi ǵoi. Joq. Sendirmeidi. Zal, áiteýir, qazaqsha boqtyq estigenine máz bolyp qaitqan siiaqty».
