Sarapshy Aibar Oljaev belgili telejúrgizýshi Ashat Niiazovtyń adamnyń jynys múshesine taqiia kigizý týraly sózi qoǵamnyń ashýyn týǵyzǵanyn aityp, bul jaǵdaiǵa quqyqtyq baǵa berý úshin Bas prokýratýraǵa ótinish joldady, dep habarlaidy Dalanews.kz.
«Onda ult arazdyǵyn qozdyrý elementteri bar ma, joq pa, sony anyqtaý úshin Qylmystyq kodekstiń 174-baby boiynsha ekspertiza jasaýǵa ótinish túsirdim. Bul 100 paiyz is qozǵalady degendi bildirmeidi. Quzyrly organ qylmystyq quram bar ma, joq pa — sony anyqtaityn bolady», — dedi Oljaev.
Onyń aitýynsha, bul jaǵdai ázil retinde aitylǵan bolýy múmkin, degenmen mundai “ázilder” qoǵamdy biriktirmei, kerisinshe arazdyq týdyrýy yqtimal.
«Múmkin bul jai ázil shyǵar. Biraq ázil adamdardy jaýlastyrmaýy kerek. Kerisinshe jaqyndastyrýy tiis edi», — dep túiindedi jýrnalist.
Aita keteiik, áleýmettik jelide Ashat Niiazovtyń videosy tarap, onda ol taqiia men ulttyq rámizderge qatysty daýly pikir bildirgen edi. Bul sóz qoǵamda keń talqy týdyrdy.
