Ata-baba arýaǵy dep Allaǵa serik qosatyndardy unatpaimyn
«Men bokspen osynda ainalystym. Toǵyz jasymnan ringte júrmin, odan beri 16 jyl ótti. Árdaiym sportqa jaqyn júrdim, mekteptegi sportty estafetalar men marafondarǵa qatysyp, basketbol, fýtbol oinadym. Qazaq-orys ádebietin jaqsy kórdim. Mánerlep oqýdan orys jáne qazaq tilderinen konkýrstarǵa qatysyp, árdaiym birinshi oryndardy ielenetinmin. Biraq, sońǵy qatysqan kezimde osyǵan deiin talai oryn alǵansyń dep birinshi oryndy bermedi. Mundai áreket shynyn aitsam maǵan asa unamady. Sebebi ózim laiyqty bolyp turǵan ornymdy ielene almadym.
Onda da saiasattyń qatysy boldy. «Sen talai márte oryn alǵansyń, endi basqa adam alýy kerek» degen soń, men sport salasyn tańdap kettim. Mektepte óte belsendi boldym. Barlyq qoǵamdyq is-sharalarǵa qatystatynmyn. Qazaq Agro Tehnikalyq Ýniversitetinde oqýymdy aiaqtadym, áskerde boldym.
Qazir otbasyly adammyn, ózimniń súiikti isim bokspen ainalysamyn. Men úshin birinshi kezekte otbasym. Aldymen bir jaratýshyǵa, sosyn baryp ózimen senemin! «Ata-babalaryńnyń arýaqtary úshin» dep Allaǵa serik qosatyndardy unatpaimyn. Ózimizdiń durys islam dinin qoldaimyn.
Qazaq dástúrleriniń barlyǵyn bilmesem de, islamǵa qarsy kelmeitinderin ustanýǵa tyrysamyn.
Adam úshin otbasynan artyq eshteńe joq dep bilemin. Sport salasynda osy jetken jetistigimmen toqtap qalǵym kelmeidi. Potentsialym jetkilikti, boiymdaǵy bar kúsh-qýatymdy sarqyp, eńbek etýdi jalǵastyramyn», – deidi Daniiar.
