Sharaǵa qatysqan qonaqtardy Táýelsizdik kúnimen quttyqtaǵan oblys ákimi Amandyq Batalov:
– Sizderdi óz atymnan jáne oblys turǵyndarynyń atynan Táýelsizdik kúni merekesimen shyn júrekten quttyqtaimyn! Almaty oblysy agrarlyq-indýstrialyq aimaq ekenin bilesizder. Qabyldanyp jatqan sharalardyń arqasynda ónerkásipte 985 mlrd. teńgeniń ónimi óndirildi, aýyl sharýashylyǵynda bul kórsetkish 800 mlrd. teńgeden asty. Jalpy 45 myńnan astam jańa jumys oryndary quryldy. Áleýmettik máselelerge, sonyń ishinde kóp balaly jáne az qamtylǵan otbasylaryn qoldaýǵa erekshe mán berilýde.
Elbasy usynǵan bul bastamany búgingi Prezidentimiz Qasym-Jomart Toqaev jalǵastyryp keledi. Ótken aptada barlyq aýdan, qala ákimderiniń esepterin tyńdap, týyndaǵan máselelerin sheshý joldaryn talqyladyq. Máselen, qai jerge dárigerlik ambýlatoriia salý kerek, qai aýyldarda jol jóndeý kerek, qai jerdiń sý qubyryn aýystyrý kerek, osyndai máselelerdiń qai-qaisysy da mańyzdy.
Jeltoqsandyqtar atynan «Jetisýlyq jeltoqsandyqtar» qoǵamdyq birlestiginiń jetekshisi Ermuhan Júnishan, Gúlnar Kóksegenqyzy, Sársenbek Stambekov, Gúlmira Baisarinova jáne t.b. sóz aldy.
Taldyqorǵan qalasynyń turǵyny Lázzat Japashova Jeltoqsan oqiǵasyna qatysýshylardyń úilerin tabiǵi gazǵa tegin qostyrý, sol siiaqty tarihi oqiǵaǵa qatysýshylarǵa arnap stela men eskertkish ornatý týraly usynysyn aitty. Sonymen birge jeltoqsandyqtardyń tizimin jasap, olarǵa tizim boiynsha jyl saiyn 10 gektardan jer bólýdi surady. Sonda olardyń árqaisysynda óz baspanasy bolady dep esepteidi L. Japashova.
Amandyq Batalov óńirde jasalǵan Áleýmettik karta aiasynda gazǵa qosý máselesin qarastyrýdy tapsyrdy. Al stela ornatý týraly usynys boiynsha, oblys ákimi «Jastar» saiabaǵyndaǵy tý tuǵyrynyń etek jaǵyna estelik taqta qoiýdy qarastyrýǵa bolatynyn aitty. Al oblys boiynsha jer ýchaskesin alýǵa kezekte 140 myń adam turǵanyn, sondyqtan jer telimin tek kezek retimen alýǵa ǵana múmkindik bolatynyn jetkizdi.
Kezdesý sońynda oblys ákiminiń Alǵys hattary tapsyryldy.
Almaty oblysy ákiminiń baspasóz qyzmeti
