اتا-بابا ارۋاعى دەپ اللاعا سەرٸك قوساتىنداردى ۇناتپايمىن
«مەن بوكسپەن وسىندا اينالىستىم. توعىز جاسىمنان رينگتە جٷرمٸن, ودان بەرٸ 16 جىل ٶتتٸ. ەردايىم سپورتقا جاقىن جٷردٸم, مەكتەپتەگٸ سپورتتى ەستافەتالار مەن مارافوندارعا قاتىسىپ, باسكەتبول, فۋتبول وينادىم. قازاق-ورىس ەدەبيەتٸن جاقسى كٶردٸم. مەنەرلەپ وقۋدان ورىس جەنە قازاق تٸلدەرٸنەن كونكۋرستارعا قاتىسىپ, ەردايىم بٸرٸنشٸ ورىنداردى يەلەنەتٸنمٸن. بٸراق, سوڭعى قاتىسقان كەزٸمدە وسىعان دەيٸن تالاي ورىن العانسىڭ دەپ بٸرٸنشٸ ورىندى بەرمەدٸ. مۇنداي ەرەكەت شىنىن ايتسام ماعان اسا ۇنامادى. سەبەبٸ ٶزٸم لايىقتى بولىپ تۇرعان ورنىمدى يەلەنە المادىم.
وندا دا ساياساتتىڭ قاتىسى بولدى. «سەن تالاي مەرتە ورىن العانسىڭ, ەندٸ باسقا ادام الۋى كەرەك» دەگەن سوڭ, مەن سپورت سالاسىن تاڭداپ كەتتٸم. مەكتەپتە ٶتە بەلسەندٸ بولدىم. بارلىق قوعامدىق ٸس-شارالارعا قاتىستاتىنمىن. قازاق اگرو تەحنيكالىق ۋنيۆەرسيتەتٸندە وقۋىمدى اياقتادىم, ەسكەردە بولدىم.
قازٸر وتباسىلى اداممىن, ٶزٸمنٸڭ سٷيٸكتٸ ٸسٸم بوكسپەن اينالىسامىن. مەن ٷشٸن بٸرٸنشٸ كەزەكتە وتباسىم. الدىمەن بٸر جاراتۋشىعا, سوسىن بارىپ ٶزٸمەن سەنەمٸن! «اتا-بابالارىڭنىڭ ارۋاقتارى ٷشٸن» دەپ اللاعا سەرٸك قوساتىنداردى ۇناتپايمىن. ٶزٸمٸزدٸڭ دۇرىس يسلام دٸنٸن قولدايمىن.
قازاق دەستٷرلەرٸنٸڭ بارلىعىن بٸلمەسەم دە, يسلامعا قارسى كەلمەيتٸندەرٸن ۇستانۋعا تىرىسامىن.
ادام ٷشٸن وتباسىنان ارتىق ەشتەڭە جوق دەپ بٸلەمٸن. سپورت سالاسىندا وسى جەتكەن جەتٸستٸگٸممەن توقتاپ قالعىم كەلمەيدٸ. پوتەنتسيالىم جەتكٸلٸكتٸ, بويىمداعى بار كٷش-قۋاتىمدى سارقىپ, ەڭبەك ەتۋدٸ جالعاستىرامىن», – دەيدٸ دانييار.
