ATÝ stýdentteri «Qairat» fýtbol klýbymen kezdesti
ATÝ stýdentteriniń balalyq armandaryna qol jetkizýge osyndai keremet múmkindik týdy. Olardyń árqaisy sózben jetkize almaityn qýanyshqa, jarqyn áserge, jaidarly jantolǵanysqa bólendi. Árine, bunyń bári qalypty, sebebi «Qairat» fýtbol klýbyn kúnde kóre bermeidi ǵoi. ATÝ – klýb tarihynda fýtbolshylarmen júzdesip, olardyń ómirlerimen tanysqan ekinshi ýniversitet bolyp tabylady.
Shegi kózge kórinbeitin úlken aýmaq, jattyǵýlarǵa arnalǵan qysqy jáne jazǵy alańdar, hai-tek stilindegi ǵimarat, eń jańa tehnologiialyq jabdyqtarmen qamtylǵan sporttyq jáne qalypqa keltirý zaldary, jáne sportshylardy tez ári ońtaily qalpyna keltirýge arnalǵan innovatsiialyq qurylǵylar. Osynyń bárin tolyqtyryp, saltanatty ajar berip turǵan erekshe peizaj da basty nazarǵa ilikpei qalmady. Aýmaqty qorshaǵan taýlar «tabiǵi qorshaý» sekildi, jeńil samal jel, kúmbez aspan bul tóńirekti erekshe atmosferaǵa bólep tur. Bul kartina bir kórgennen-aq, adam jadynda birazǵa deiin saqtalatyny sózsiz.
Bul estetikalyq kórinisterden bólek, tanymal fýtbolshylardyń jattyǵýlaryn tamashalaý múmkindigi tidi. Mine Ýgo Silveir shabýylǵa shyqty, onyń dobyn Isael Barboza qaǵyp alyp, ony jartylai qorǵaýshy Andrei Arshavinge tepti. Tipti osyndai saq sport túrinde muqiiat taktikany, oiyn sheberligi men gratsiiany kórýge bolady.
Fýtbonaýt, arnaiy mázir, saýnalar, monshalar, temperatýrasy - 60 jáne -110 dáreje bolatyn bólmeler, bassein, bulshyqetterdi qalypqa keltirý rettegishteri, jaraqattardan keiingi ońaltý, sondai-aq ár oiynshyny jeke daiyndaý. Osylaisha, kelýshiler Almaty fýtbol klýby «Qairattyń» tynys-tirshiligin ishki jaǵynan kóre aldy. «Júz ret estigenshe, bir ret kór» demekshi, eń durysy óz kózińmen kórip, estip, tańdanys áserin alý.
ATÝ Media ortalyǵy
https://dalanews.kz/36115
