Almatyda poıyzda 50-den asa adam gazdan ýlanyp qalǵan, dep habarlaıdy Dalanews.kz.

Aldyn ala aqparat boıynsha vagonda 52 adam gazdan ýlanyp qalǵan. Bul týraly qalalyq Qoǵamdyq densaýlyq saqtaý basqarmasy habarlady.

Oqıǵa ornyna birden 13 jedel járdem brıgadasy jiberilgen. Zardap shekkenderdiń arasynda balalar da bar. Barlyǵy qalalyq aýrýhanalardyń qabyldaý bólimderine jetkizilip, tekseristen ótken.

Tekseris nátıjesinde 10 bala aýrýhanaǵa jatqyzyldy: ekeýi jansaqtaý bóliminde, qalǵandary basqa bólimshelerde em qabyldap jatyr.

"Jolaýshylar tasymaly" AQ aqparatyna súıensek, bul poıyz quramy jeke menshik tasymaldaýshyǵa tıesili, al vagondar kınostýdıaǵa túsirilim júrgizý úshin ýaqytsha berilgen.

Sonymen qatar, polısıa bul jaıtqa qatysty qylmystyq is qozǵady.