Almaty oblysynda eki poiyz soǵyldy, dep habarlaidy Dalanews.kz.
11 jeltoqsanda saǵat 01:50-de Otar-Almaty ýchaskesindegi Qopa stantsiiasynda júk poiyzynyń mashinisi elektrovozben soqtyǵysqan.
"Oqiǵa saldarynan zardap shekkender men qaza tapqandar joq. Bul bólikte poiyz qozǵalysy toqtaǵan joq. Oqiǵanyń barlyq mán-jaiyn jáne sebepterin anyqtaý úshin "Qazaqstan temir joly" ortalyq apparatynyń ókilderi tekseris júrgizip jatyr. Tekseris aiaqtalǵannan keiin kináli tulǵalar jaýapkershilikke tartylady", - dedi "Qazaqstan temir joly" UK" AQ baspasóz qyzmeti ókili.
Eske salaiyq, buǵan deiin Qaraǵandy oblysynda poiyz tórt jumysshyny basyp ketkeni habarlandy.
10 jeltoqsanda saǵat 17:15-te Moiynty-Shyǵanaq ýchaskesindegi Sheshenqara-Qarajanǵyl aralyǵynda júk poiyzy qozǵalyp kele jatqan kezde mashinist shuǵyl tejegen. Osy kezde Saryshaǵan stantsiiasynyń jol brigadasy relsti aýystyrý boiynsha josparly jumystardy oryndap jatqan.
Tórt jumysshy jaraqattan kóz jumdy.
