Kaspii qubyr konsortsiýmynyń infraqurylymyna birneshe ret jasalǵan dron shabýyldarynan keiin Qazaqstan ókilderi Ýkraina tarapymen kezdesip, jaǵdaidy talqylady. Kelissózder Venada ótken EQYU Syrtqy ister ministrleriniń keńesi aiasynda ótti. QR Syrtqy ister ministri Ermek Kósherbaev ýkrainalyq áriptesine óńirdegi turaqtylyqtyń mańyzyn atap jetkizgen. Kiev bul ustanymdy bólisetinin bildirdi, dep habarlaidy Dalanews.kz.
Ministrdiń aitýynsha, ýkrainalyq tarappen jaǵdaidyń turaqty saqtalýy qajettigi jóninde ortaq túsinik bar.
QR munaiynyń 80 paiyzy eksporttalatyn Kaspii qubyr konsortsiýmy Qazaqstan úshin negizgi baǵyt bolyp otyr. Energetika ministri Erlan Aqkenjenovtiń málimdeýinshe, ázirge bul baǵytty almastyratyn balama marshrýt joq.
Ýkraina Resei infraqurylymyna sońǵy shabýyldy qarasha aiynyń sońynda jasaǵan. Buǵan deiingilerge qaraǵanda bul jolǵy soqqynyń zalaly aitarlyqtai bolǵandyqtan, munai tasymaly kólemi 72 mln tonnadan 68 mln tonnaǵa deiin tómendegen. Soǵan qaramastan, ministr biylǵy eksport jospary tolyq oryndalady dep senedi.
