كاسپيي قۇبىر كونسورتسيۋمىنىڭ ينفراقۇرىلىمىنا بٸرنەشە رەت جاسالعان درون شابۋىلدارىنان كەيٸن قازاقستان ٶكٸلدەرٸ ۋكراينا تاراپىمەن كەزدەسٸپ, جاعدايدى تالقىلادى. كەلٸسسٶزدەر ۆەنادا ٶتكەن ەقىۇ سىرتقى ٸستەر مينيسترلەرٸنٸڭ كەڭەسٸ اياسىندا ٶتتٸ. قر سىرتقى ٸستەر مينيسترٸ ەرمەك كٶشەرباەۆ ۋكراينالىق ەرٸپتەسٸنە ٶڭٸردەگٸ تۇراقتىلىقتىڭ ماڭىزىن اتاپ جەتكٸزگەن. كيەۆ بۇل ۇستانىمدى بٶلٸسەتٸنٸن بٸلدٸردٸ, دەپ حابارلايدى Dalanews.kz.
مينيستردٸڭ ايتۋىنشا, ۋكراينالىق تاراپپەن جاعدايدىڭ تۇراقتى ساقتالۋى قاجەتتٸگٸ جٶنٸندە ورتاق تٷسٸنٸك بار.
قر مۇنايىنىڭ 80 پايىزى ەكسپورتتالاتىن كاسپيي قۇبىر كونسورتسيۋمى قازاقستان ٷشٸن نەگٸزگٸ باعىت بولىپ وتىر. ەنەرگەتيكا مينيسترٸ ەرلان اقكەنجەنوۆتٸڭ مەلٸمدەۋٸنشە, ەزٸرگە بۇل باعىتتى الماستىراتىن بالاما مارشرۋت جوق.
ۋكراينا رەسەي ينفراقۇرىلىمىنا سوڭعى شابۋىلدى قاراشا ايىنىڭ سوڭىندا جاساعان. بۇعان دەيٸنگٸلەرگە قاراعاندا بۇل جولعى سوققىنىڭ زالالى ايتارلىقتاي بولعاندىقتان, مۇناي تاسىمالى كٶلەمٸ 72 ملن توننادان 68 ملن تونناعا دەيٸن تٶمەندەگەن. سوعان قاراماستان, مينيستر بيىلعى ەكسپورت جوسپارى تولىق ورىندالادى دەپ سەنەدٸ.
