Astanada Qýandyq Bishimbaevtyń anasy Álmira Nurlybekovanyń týystaryna qatysty sot jalǵasyp jatyr. Eks-ministrdiń anasy óz týysy Bekzat Kemelovany 1 million dollar jymqyrdy dep aiyptaǵan. Sotta Bishimbaevtyń ákesi Ýálihan Qozykeuly da kýálik berdi, dep habarlaidy Dalanews.kz.
Ýálihan Bishimbaevtyń aitýynsha, 2024 jyldyń aqpanynda Saltanat Núkenovanyń qazasynan keiin birneshe ai ótken soń marqumnyń otbasy moraldyq ótemaqy retinde 2,5 million dollar talap etkeni týraly aqparat bolǵan. Bul málimet Bekzat Kemelovanyń kúieýi Qairat Kemelov arqyly berilgen jazbada kórsetilgen. Alaida Kemelov bul jaitty sotta ashyq aitýǵa qoryqqan.
"Men oǵan: eger bul derekti sotqa usynsańyz, jazbanyń berilgenin rastaýyńyz kerek dep keńes berdim. Biraq Qairat: “Olai aita almaimyn, qorqamyn” dedi. Neden qorqatynyn suraǵanymda, ol haiptyń astynda qalýdan, synnyń otbasyna, jumysyna, balalaryna áser etýinen qaýiptenetinin aitty", – dedi kýáger.
