Ulttyq statısıka búrosy qarasha aıyndaǵy eldegi jyljymaıtyn múlik baǵasyna qatysty derekterdi jarıalady. El boıynsha 39 973 satyp alý-satý kelisimi tirkeldi. Bul qazan aıymen salystyrǵanda 3,1 paıyzǵa az, dep habarlaıdy Dalanews.kz.
Jyl ishinde jańa baspana baǵasy 15,5 paıyzǵa, al ekinshi naryqtaǵy turǵyn úı baǵasy 14,3 paıyzǵa qymbattady. Jaılylyǵy joǵary jalǵa beriletin baspananyń baǵasy 11,9 paıyzǵa ósken.
Aımaqtardaǵy rekordtar
Birinshi naryq: Almaty +19,9%, Pavlodar +19,6%, Astana +17,4%
Ekinshi naryq: Almaty +23%, Aqtóbe +19,4%
Jalǵa alý: Pavlodar +36,9%, Aqtóbe +34,3%, Petropavl +25,6%
Aılyq baǵa ózgeristeri
2025 jyldyń qazanynan qarashaǵa deıin jańa turǵyn úı baǵasy 2,5 paıyzǵa, ekinshi naryqtaǵy páter baǵasy 2,8 paıyzǵa ósti.
Páter men úı: eń kóp rásimdelgen mámileler
Jalpy tirkelgen kelisimderdiń ishinde 31 222-si - páterlerge, 8 751-i - jeke úılerge qatysty.
Satyp alý-satý operasıalary eń kóp jasalǵan óńirler:
Astana - 8 861 mámile (22,2%)
Almaty - 7 443 (18,6%)
Qaraǵandy oblysy - 2 731 (6,8%)
Eń tómen kórsetkish Ulytaý oblysynda tirkeldi - 339 mámile (0,8%).
Páter satý dınamıkasy
Páterge qatysty mámileler sany 4,1 paıyzǵa tómendep, 31 222 operasıa bolǵan. Bul - barlyq kelisimderdiń 78,1 paıyzy.
Eń kóp páter saýdasy Astanada (27,9%), Almatyda (21,9%) jáne Qaraǵandy oblysynda (7,3%) tirkeldi.
Satyp alýshylar arasynda eń tanymal páter túri - eki bólmeli. Barlyǵy 11 888 mámile jasalǵan.
Jeke úıler
Aı ishinde jeke úıge qatysty kelisimder sany 0,4 paıyzǵa artyp, 8 751 operasıa boldy.
Eń joǵary ósim tirkelgen óńirler:
Qyzylorda oblysy - +33,6%
Jetisý oblysy - +25,4%
Abaı oblysy - +11,3%
Tómendeý baıqalǵan óńirler:
Mańǵystaý oblysy - -12,8%
Shymkent - -12,1%
Ulytaý oblysy - -11,3%
Jyldyq naryq dınamıkasy
2024 jyldyń qarashasymen salystyrǵanda mámileler kólemi 1,4 paıyzǵa ósti. Byltyr bul kórsetkish 39 421 bolǵan.
Jyl ishindegi eń joǵary ósim - Jetisý oblysynda (31,3%),
eń úlken tómendeý - Ulytaý oblysynda (-31%) tirkelgen.
2025 jyldyń qańtar–qarasha aılarynda mámileler kólemi ótken jyldyń osyndaı kezeńimen salystyrǵanda 3,3 paıyzǵa artqan.
