Almatyda ótken jas ǵalymdardyń II halyqaralyq kongresinde oqý-aǵartý mınıstri Juldyz Súleımenova jaratylystaný ǵylymdaryn bir pánge biriktirý týraly talqylaýlarǵa núkte qoıdy, dep habarlaıdy Dalanews.kz.
Mınıstrdiń aıtýynsha, fızıka, hımıa jáne bıologıany biriktirý týraly usynys talqylanyp jatqanymen, mektep baǵdarlamasynda bul pánder jeke qala beredi.
"Keıingi kezde jaratylystaný ǵylymdaryn bir pánge biriktirý máselesi jıi kóterildi. Bul jóninde mınıstrliktiń ustanymy aıqyn: qazirgi tańda pánder biriktirilmeıdi. Fızıka fızıka kúıinde, hımıa hımıa kúıinde, bıologıa bıologıa kúıinde oqytylady", – dedi Súleımenova.
Onyń aıtýynsha, basty maqsat – oqýshylardyń irgeli ǵylymdardy tereń ári júıeli meńgerýine jaǵdaı jasaý. Osyǵan baılanysty pánderdi biriktirý týraly bastama toqtatylady.
Eske salaıyq, buǵan deıin mektepte keıbir pánder biriktirilip, ózgeris bolýy múmkin ekeni habarlandy.
