Memlekettik keńesshi Erlan Qarin jańa qazaqstandyq pasport korei pasportynyń kóshirmesi degen aqparatqa qatysty jaýap berdi, dep habarlaidy Dalanews.kz.
Jelide jańa pasporttyń úlgisi jariialanyp, onyń Ońtústik Koreia pasportyna uqsastyǵy synǵa ushyrady.
Alaida Memlekettik keńesshi Erlan Qarin taratylǵan sýrettiń shynaiy úlgige qatysy joǵyn aitty.
«Joq, bul jańa pasporttyń dizainy emes. Jelide tarap júrgen ózge eskizder de jai ǵana bastama retinde jasalǵan jobalar. Negizgi kontseptsiia múlde basqa, qazir dizain-maketti jinaqtaý jáne sońǵy jumystary júrip jatyr», - dedi ol.
Qarinniń aitýynsha, qazaqstandyq pasport óziniń negizgi kontseptsiiasyn, sonyń ishinde túsi men oiý-órnegin saqtap qalady. Al jańartý qorǵanys jáne tehnikalyq elementterdi kúsheitý úshin qajet.
