Túnde jaýǵan qardan keiin Almatyda keń kólemdi tazalaý jumystary bastaldy, dep habarlaidy Dalanews.kz.
9 jeltoqsanda saǵat 22:30-da Almatyda bastalǵan jaýyn-shashyn tún jarymda qalyń qarǵa ulasty. 10 jeltoqsan saǵat 07:00-degi málimet boiynsha qardyń qalyńdyǵy 35 santimetrge jetti. Bul - ailyq normanyń jartysyna jýyǵy. Bul týraly Almaty qalasynyń Kommýnaldyq infraqurylym jáne turǵyn úi inspektsiiasy basqarmasynyń ókilderi málimdedi.
Vedomstvonyń dereginshe, qaladaǵy qar kúreý jumystaryna 2 728 jumysshy men 75 jedel brigada jumyldyrylǵan. Qala joldaryna 1 000-nan asa arnaiy tehnika shyǵaryldy. Kolonnalardyń qozǵalysyn qamtamasyz etý úshin 22 politsiia ekipajy, sondai-aq, 10 evakýator men manipýliator tartylǵan.
"Buǵan qosa, qalada jol men kósheniń jaǵdaiyn baqylaý úshin táýlik boiy kezekshilik qoiylǵan. Barlyq kommýnaldyq qyzmet qar tolyq tazalanǵanǵa deiin kúsheitilgen rejimde jumysyn jalǵastyra beredi", - dep jazylǵan habarlamada.
