"Báiterek" ulttyq basqarýshy holdingi Qazaqstan Respýblikasynyń Ulttyq qory aldyndaǵy mindettemelerin merziminen buryn ótep, 23,5 mlrd teńgeni qaitardy. Holding bul sheshim onyń qarjylyq saiasatynyń tiimdiligin jáne memlekettik qarajatty basqarýdaǵy jaýapkershiligin kórsetetinin atap ótti, dep habarlaidy Dalanews.kz.
Ulttyq qordan bólingen qarajat 2014 jyly jiyrma jyl merzimge tartylǵan bolatyn. Qarajat 2015–2019 jyldarǵa arnalǵan Qazaqstannyń indýstriialyq-innovatsiialyq damý memlekettik baǵdarlamasy aiasyndaǵy jobalardy qarjylandyrýǵa baǵyttaldy. Mehanizm boiynsha: Ulttyq qordan bólingen ár 1 teńgege jeke jáne naryqtyq investorlardan 2 teńge tartý qarastyrylǵan.
Qarjylandyrý «Qazaqstannyń damý banki» AQ arqyly júzege asyryldy. Jalpy sany on úsh joba qoldaý tapty. Olar – óńdeý ónerkásibi, kólik jáne elektr energetikasy salalaryndaǵy mańyzdy nysandar. Atap aitqanda, rels-balka zaýytynyń qurylysy, temir jol dóńgelekterin shyǵaratyn óndiristi iske qosý, mineraldy tyńaitqyshtar shyǵaratyn kásiporyndy jańǵyrtý sekildi jobalar bar.
Holdingtiń enshiles uiymdarynyń derekterine sáikes, jobalar aitarlyqtai áleýmettik-ekonomikalyq nátije bergen: ónim shyǵarý kólemi 2016 jylǵy 16,2 mlrd teńgeden 2024 jyly 390,9 mlrd teńgege deiin ósti. Eksport kólemi 0,17 mlrd teńgeden 99,5 mlrd teńgege jetken. Sonymen qatar, 2,5 myńnan astam jańa jumys orny ashyldy.
Holding basshylyǵy «Báiterek» damý institýty retindegi missiiasyn oryndaýdy jalǵastyryp, el ekonomikasyn jańǵyrtýǵa baǵyttalǵan jobalardy qoldai beretinin atap ótti.
