Kisi óltirdi dep sottalǵan eks-ministr Qýandyq Bishimbaevtyń advokaty Erlan Ǵazymjanov burynǵy qorǵaýyndaǵy adammen kópten beri bailanyspaitynyn aitty, dep habarlaidy Dalanews.kz.
Qazir Ǵazymjanov Bishimbaevtyń óz týystaryna qarsy sotqa júgingen ata-anasynyń ókili retinde áreket etedi. Jýrnalister astanalyq sotta zańgermen sóilesip, eks-ministrdiń jazasyn óteý jaǵdaiy týraly surady.
«Men onymen biraz ýaqyttan beri bailanyspaimyn. Qajet emes, sebebi men tek zańgerlik kómek kórsetemin, qandai da bir quqyqtyq másele týyndasa ǵana aralasamyn», - dep jaýap berdi Erlan Ǵazymjanov Tengrinews.kz tilshisiniń suraǵyna.
Advokat biyl aqpanda Bishimbaevtyń "belgili bir problemalar" bolǵanyn eske saldy. Sol kezde ol koloniiaǵa barǵan. Bul sottalǵan burynǵy sheneýniktiń mekeme ákimshiligi ózine tiesili kótermeleý sharalaryn bermegeni úshin sotqa júgingen jaǵdai.
Onyń aitýynsha, Qýandyq Bishimbaevqa koloniiaǵa anasy baryp turýy tiis: jylyna birneshe ret týystarymen kezdesý qarastyrylǵan. Eks-ministrdiń ákesi densaýlyǵyna bailanysty ulyn kóre almaidy. Qazirgi ýaqytta Bishimbaevtyń ákesi onkologiialyq dertke shaldyǵyp, júregi aýyrady.
«Jýyrda ol aýrýhanaǵa tústi, shuǵyl túrde jatqyzdy. Al Kemelovter isi boiynsha jaýap alýdyń qarsańynda ǵana aýrýhanadan shyǵardy. Biz tipti aýrýhanadan otyryp-aq túsinikteme bermek bolǵanbyz», — dedi Ǵazymjanov.
Jýrnalister sottalǵan Bishimbaevtyń túzetý mekemesinde jumysqa turǵan-turmaǵanyn naqtylaýǵa tyrysty. Advokat mundai jaittardan habarsyz ekenin aitty. Biyl aqpannan beri oǵan qandai da bir kótermeleý berilgen-berilmegenin de bilmeitinin jetkizdi.
