Ústinen qylmystyq is qozǵalǵan ánshi Muqasan Shahzadaev kontsertte júr, dep habarlaidy Dalanews.kz.
9 jeltoqsanda Almatyda aqyn Oljas Otardyń "Aýyrmaidy júrek" atty shyǵarmashylyq keshi ótken. Osy keshte Muqasan Shahzadaev ta jurt nazaryna túsken.
Instagram-da Muqasan Shahzadaev án aityp turǵan sáttiń videolary tarady. Dosymjan Tańatarov ta áleýmettik jelidegi paraqshasynda Muqasanmen birge túsken sýretin jariialaǵan.
Mán-jaiy
Buǵan deiin istiń mán-jaiyn jazǵan edik. Ǵalymjan Súleimenniń aitýynsha, daýdyń bári ánnen shyqqan. Máseleni sheshý úshin ol Shahzadaevtyń úiine barǵan. Alaida soqqyǵa jyǵylǵan. "Politsiia Muqasandy emes, meni alyp ketti" deidi. Endi "Nur-Muqasan" tobynyń múshesi zańgerlerdiń kómegine júginip, "jýan judyryqty" ánshini jaýapqa tartqysy keledi.
Keiinirek ánshi Muqasan Shahzadaev ustalǵany týraly aqparat tarady.
Málimetke súiensek, is QR Qylmystyq kodeksiniń 107-baby 2-bóligi - "Adamdar tobynyń aldyn-ala sóz bailasýy arqyly densaýlyqqa qasaqana ortasha aýyrlyqtaǵy ziian keltirý" boiynsha qozǵalǵan. Bul bap boiynsha aiypty dep tanylǵan adam 3 jylǵa deiin bas bostandyǵynan aiyrylýy múmkin.
