Әнші Мұқасан Шахзадаевты қандай жаза күтіп тұрғаны белгілі болды. Бұл туралы "Нұр-Мұқасан" тобының жаңа мүшесі Ғалымжан Сүлейменнің адвокаты Инга Иманбай мәлімдеді, деп хабарлайды Dalanews.kz.
Мәліметке сүйенсек, іс ҚР Қылмыстық кодексінің 107-бабы 2-бөлігі - "Адамдар тобының алдын-ала сөз байласуы арқылы денсаулыққа қасақана орташа ауырлықтағы зиян келтіру" бойынша қозғалған. Бұл бап бойынша айыпты деп танылған адам 3 жылға дейін бас бостандығынан айырылуы мүмкін.
Бұған дейін істің мән-жайын жазған едік. Ғалымжан Сүлейменнің айтуынша, даудың бәрі әннен шыққан. Мәселені шешу үшін ол Шахзадаевтың үйіне барған. Алайда соққыға жығылған. "Полиция Мұқасанды емес, мені алып кетті" дейді. Енді "Нұр-Мұқасан" тобының мүшесі заңгерлердің көмегіне жүгініп, "жуан жұдырықты" әншіні жауапқа тартқысы келеді.
Кеше әнші Мұқасан Шахзадаев ұсталғаны туралы ақпарат тарады.
