Ánshi Muqasan Shahzadaevty qandaı jaza kútip turǵany belgili boldy. Bul týraly "Nur-Muqasan" tobynyń jańa múshesi Ǵalymjan Súleımenniń advokaty Inga Imanbaı málimdedi, dep habarlaıdy Dalanews.kz.

Málimetke súıensek, is QR Qylmystyq kodeksiniń 107-baby 2-bóligi - "Adamdar tobynyń aldyn-ala sóz baılasýy arqyly densaýlyqqa qasaqana ortasha aýyrlyqtaǵy zıan keltirý" boıynsha qozǵalǵan. Bul bap boıynsha aıypty dep tanylǵan adam 3 jylǵa deıin bas bostandyǵynan aıyrylýy múmkin.

Buǵan deıin istiń mán-jaıyn jazǵan edik. Ǵalymjan Súleımenniń aıtýynsha, daýdyń bári ánnen shyqqan. Máseleni sheshý úshin ol Shahzadaevtyń úıine barǵan. Alaıda soqqyǵa jyǵylǵan. "Polısıa Muqasandy emes, meni alyp ketti" deıdi. Endi "Nur-Muqasan" tobynyń múshesi zańgerlerdiń kómegine júginip, "jýan judyryqty" ánshini jaýapqa tartqysy keledi. 

Keshe ánshi Muqasan Shahzadaev ustalǵany týraly aqparat tarady.