Mádeniet jáne aqparat ministrliginiń zańgerleri QazTAG halyqaralyq aqparat agenttigine kómek kórsetý múmkindikterin qarastyryp jatyr. Bul týraly ministrlik basshysy Aida Balaeva málimdedi, dep habarlaidy Dalanews.kz.
“Qazir biz KazTAG-qa kómektesý joldaryn qarastyrýǵa taldaý júrgizip jatyrmyz. Atap aitqanda, “Baspasóz týraly” zańnyń 68-baby bar, ol jýrnalistiń jaýapkershilikke tartylmaýyna múmkindik beredi (eger ol resmi organdar, depýtattar nemese tikelei efirde zardap shekken taraptyń ókilderi aitqan málimetterdi paidalanǵan jaǵdaida). Sondyqtan qazirgi kezde zańgerler osy bapty zerttep jatyr. Árine, biz óz jýrnalisterimizdi qorǵaý úshin kúresetin bolamyz”, – dedi Balaeva.
Sonymen qatar vedomstvo parlamentke ádeii jalǵan aqparat týraly bapty dekriminalizatsiialaý jóninde túzetýlerdi engizýdi josparlap otyrǵanyn qosty.
Aita keteiik, qysqa ýaqyt ishinde eki iri aqparat quraly – QazTAG HAA (halyqaralyq aqparat agenttigi) men Orda.kz – Qylmystyq kodekstiń 274-baby "kórineý jalǵan aqparat taratý" boiynsha qozǵalǵan isterdiń figýranttary boldy. Bul eki jaǵdai da sóz bostandyǵynyń shekarasy men jariialanǵan málimet úshin BAQ-tyń jaýapkershiligi týraly jańa pikirtalas týdyrdy.
Buǵan deiin Mádeniet jáne aqparat ministri Aida Balaeva atalǵan sot protsesterine qatysty pikir bildirip, sóz bostandyǵy men jýrnalister quqyǵy memleket nazarynda ekenin málimdegen edi.
“Búginde Qazaqstannyń media keńistiginde birneshe sot protsesi ótýine bailanysty talqy júrip jatyr. QR Mádeniet jáne aqparat ministrligi bul protsesterdi, sonyń ishinde Orda.kz pen QazTAG-qa qatysty isterdi erekshe nazarda ustap otyr”, — dedi ol.
Aida Balaeva sóz bostandyǵynyń saqtalýy men aqparat taratatyn uiymdardyń zań aiasynda jumys isteýi mańyzdy ekenin atap ótti. Onyń sózinshe, kásibi jýrnalistika adaldyqqa, obektivtilikke jáne tekserilgen derektiń naqtylyǵyna súienýi tiis.
“Mundai jaǵdailar árdaiym media qaýymdastyqty alańdatady. Sebebi bul sóz bostandyǵy men zańdy jýrnalistik qyzmet sekildi asa mańyzdy máselelerge tikelei qatysty.
Kásibi buqaralyq aqparat quraldary zańdy buzbai jumys istegen jaǵdaida ǵana memleket olardyń quqyǵyn tiimdi qorǵai alatynyn túsinýi tiis. Al eger taraptar arasyndaǵy qatynastar quqyqtyq alańǵa aýyssa, memlekettik organnyń aralasýy sotqa qysym retinde qabyldanýy múmkin.
Qalai bolǵanda da, biz kásibi jýrnalisterge qatysty ákimshilik nemese qylmystyq isterdiń barynsha ashyq ári obektivti qaralýy qajet ekenin árdaiym talap etip kelemiz”, — dep qosty ol.
