Almatyda er adam tanys áıeli men onyń alty jasar qyzyn shoıyn qazanmen uryp óltirgeni úshin ómir boıyna bas bostandyǵynan aıyryldy, dep habarlaıdy Dalanews.kz.
Krımınalnyı Kazahstan telegram-arnasynyń málimetinshe, qaza bolǵan áıeldiń anasy da aýyr jaraqat alǵan.
Tergeý málimetterine sáıkes, olardyń arasynda turmystyq daý shyqqan. Ashýǵa boı bergen er adam qazandy qarý retinde qoldanyp, úsh adamdy soqqyǵa jyqqan.
"Balanyń aıqaıyn estigen kórshisi páterdiń esigin qaǵyp, ne bolyp jatqanyn anyqtaýǵa tyrysqan. Biraq qylmysker ony da qazanmen mańdaıynan soǵyp, áıel esinen tanyp qalǵan", - deıdi derekkóz.
Qylmystan keıin er adam qanǵa boıalǵan qazandy bir úıdiń qaqpasynyń janynda jasyrǵan. Sotta ol óz kinásin tolyǵymen moıyndamady. Alaıda saraptama nátıjesinde qazannan onyń saýsaq izderi tabyldy. Páterde basqa adamdardyń bolýyna qatysty aıǵaqtar tabylmady.
Qylmysker áıeldi jáne onyń alty jasar qyzyn óltirgeni úshin ómir boıyna bas bostandyǵynan aıyryldy. Buǵan deıin ol adam óltirgeni úshin jazasyn ótep, merziminen buryn bosap shyqqan bolatyn.
