Burynǵy Astananyń sybailas jemqorlyqqa qarsy agenttigi departamentiniń basshysy Shyńǵys Qabdýla men onyń otbasy Dýbaidaǵy elitalyq DAMAC Residenze ǵimaratynda qymbat páterge ie boldy. Páterdiń quny shamamen 800 mln teńge dep baǵalanyp otyr, dep habarlaidy Dalanews.kz "Off_shores" telegram-arnasyna silteme jasap.
Páter 19-qabatta ornalasqan, eki jatyn bólmesi, úlken qonaq bólmesi men lodjiiasy bar. Sonymen qatar bir avtoturaq orny da qarastyrylǵan. Ol 85 qabatty ǵimaratta ornalasqan jáne kópshilik terezesi Palm Djýmeira jasandy aralyna qaraǵan.
Apartament resmi túrde Qabdýla jubaiy Asel Satybaldyqyzynyń atyna tirkelgen. Ol Nursultan Nazarbaevtyń nemeresi jáne Kairat Satybaldynyń ápkesi bolyp tabylady. Páter 2018 jyly 720 myń dollarǵa satyp alynǵan, qazirgi naryqtaǵy baǵasy shamamen 1,4 mln dollar.
Shyńǵys Qabdýla 2018 jyly astanalyq departamentten ortalyq apparatqa ótip, orynbasar qyzmetin atqarǵan. 2020 jyly qaitadan departament basshysy bolyp taǵaiyndalǵan, biraq 2022 jyly Nazarbaev klanyna qatysty tazalaý kezinde qyzmetinen bosatylǵan.
Sondai-aq, Qairat Satybaldy men onyń jaqyndarynyń Dýbaida birneshe páterleri bar ekeni belgili boldy. SHAMS-4 turǵyn úi kesheninde Qairat Satybaldynyń atynda bir páter, resmi emes áieli Ásel Baqtiiarqyzynyń atyna úsh páter, al taǵy bir áieli Saida Qanatbekqyzynyń atyna eki páter tirkelgen.
Buǵan deiin Satybaldynyń Dýbaidaǵy eki villasynyń memleketke qaitarylǵany habarlanǵan, olardyń quny 20 mlrd teńge bolǵan. 2022 jyly Dýbaidaǵy Qazaqstan azamattarynyń jalpy 2700 múlik obektisi tirkelgen, olardyń quny shamamen 1 mlrd dollar.
Jýrnalistik zertteý Shyńǵys Qabdýla otbasynyń sheteldik aktivteri men joǵary laýazymdy sheneýnikterdiń múlik máselesine qatysty jańa suraqtardy týyndatty.
