Túrkistan oblysynda jantúrshigerlik qylmysqa qatysty sot úkimi shyqty. Mektep oqýshysy alty jastaǵy qyzǵa azǵyndyq jasaǵany úshin 10 jylǵa bas bostandyǵynan aiyryldy, dep habarlaidy Dalanews.kz "31 kanalǵa" silteme jasap.
Sot-meditsinalyq saraptama nátijesinde jetkinshektiń zorlanǵany tolyqtai dáleldengen.
Qyzdyń qorlyq kórgenin bilgen jaqyndary birden politsiiaǵa aryzdanyp, aqyry alystan kelmegen jaý quryqtalǵan. Sotta azǵyn óz kinásin sol kúii moiyndaǵan joq. Ókinish te bildirmedi. Sýdia psihologiialyq soqqy alǵan jábirlenýshiniń týystaryna 8 million teńge moraldyq shyǵyn óndirýdi de mindettedi.
"Sottalýshy jáne onyń zańdy ókili jábirlenýshi taraptan eshqandai keshirim suraǵan joq. Atalǵan sottalýshynyń kámeletke tolmaǵan azamattyń kinási is-qujattaryna tirkelgen materialdarmen, kýágerlerdiń kórsetýlerimen, sarapshylardyń qorytyndylarymen jáne óziniń ishinara moiyndaýymen tolyqtai dáleldendi. Sot úkimimen kámeletke tolmaǵan S degen azamat kináli dep tanylyp, 10 jylǵa bas bostandyǵynan aiyryldy", - dedi Túrkistan oblysy qylmystyq ister jónindegi mamandandyrylǵan aýdanaralyq sotynyń sýdiasy Marat Kúzdeýbaev.
Eske salaiyq, sumdyq oqiǵa biyl jazda Báidibek aýdanynda bolǵan edi. Qoshqarata aýylyndaǵy 14 jastaǵy bala birinshi synyp oqýshysyn aldap kópir astyna alyp barǵan eken. Sodan keiin kúsh kórsetip, aýyldasyna oiyna kelgenin istegen.
