QR Úkimetinde Memlekettik týdy paidalaný sharttary bekitildi. Qujatta azamattardyń memlekettik rámizdi qalai ornalastyra alatyny jáne ony qandai jaǵdailarda paidalanýǵa jol berilmeitini jazylǵan.
Qaýlyǵa sáikes, Memlekettik týdy jeke turǵyn úilerge biiktigi 3 metrden kem emes jerde ornatýǵa bolady. Bul rette táýliktiń qarańǵy ýaqytynda ony jaryqtandyrý mindetti emes.
Memlekettik rámiz jerge, edenge, sýǵa nemese basqa da betterge tiip turmaýy kerek. Tiginen ornalastyrǵan kezde ulttyq oiý-órnek matanyń joǵarǵy bóliginde bolýy tiis. Sondai-aq, zańnama talaptary saqtalǵan jaǵdaida, Memlekettik týdy jeke jáne zańdy tulǵalardyń avtokólik salondarynda paidalanýǵa ruqsat etiledi, – delingen qujatta.
Budan bólek, mádeni, sporttyq, qoǵamdyq jáne basqa da is-sharalar kezinde týdy kommertsiialyq maqsatta paidalanýǵa tyiym salynady. Sonymen qatar, ol taza, zaqymdalmaǵan, kirlemegen, jyrtylmaǵan, jamaýsyz jáne basqa da aqaýlarsyz bolýy kerek.
Erejelerde memlekettik rámizdi qorlaityn nemese onyń mańyzyn tómendetetin kez kelgen áreketterge de tyiym salynǵan. Atap aitqanda, týdy ádeii zaqymdaýǵa, joiýǵa, órteýge, jyrtýǵa, jerge tastaýǵa nemese óz maqsatynan tys paidalanýǵa bolmaidy.
Sonymen qatar, memlekettik týdy jarnamada, sondai-aq kiim, tósek-oryn jabdyqtary, perdeler, dastarhandar, kilemsheler jáne basqa da jabyndar retinde paidalanýǵa jol berilmeidi.
