تۇركىستان وبلىسىندا جانتۇرشىگەرلىك قىلمىسقا قاتىستى سوت ۇكىمى شىقتى. مەكتەپ وقۋشىسى التى جاستاعى قىزعا ازعىندىق جاساعانى ءۇشىن 10 جىلعا باس بوستاندىعىنان ايىرىلدى، دەپ حابارلايدى Dalanews.kz "31 كانالعا" سىلتەمە جاساپ.
سوت-مەديسينالىق ساراپتاما ناتيجەسىندە جەتكىنشەكتىڭ زورلانعانى تولىقتاي دالەلدەنگەن.
قىزدىڭ قورلىق كورگەنىن بىلگەن جاقىندارى بىردەن پوليسياعا ارىزدانىپ، اقىرى الىستان كەلمەگەن جاۋ قۇرىقتالعان. سوتتا ازعىن ءوز كىناسىن سول كۇيى مويىنداعان جوق. وكىنىش تە بىلدىرمەدى. سۋديا پسيحولوگيالىق سوققى العان جابىرلەنۋشىنىڭ تۋىستارىنا 8 ميلليون تەڭگە مورالدىق شىعىن ءوندىرۋدى دە مىندەتتەدى.
"سوتتالۋشى جانە ونىڭ زاڭدى وكىلى جابىرلەنۋشى تاراپتان ەشقانداي كەشىرىم سۇراعان جوق. اتالعان سوتتالۋشىنىڭ كامەلەتكە تولماعان ازاماتتىڭ كىناسى ءىس-قۇجاتتارىنا تىركەلگەن ماتەريالدارمەن، كۋاگەرلەردىڭ كورسەتۋلەرىمەن، ساراپشىلاردىڭ قورىتىندىلارىمەن جانە ءوزىنىڭ ءىشىنارا مويىنداۋىمەن تولىقتاي دالەلدەندى. سوت ۇكىمىمەن كامەلەتكە تولماعان س دەگەن ازامات كىنالى دەپ تانىلىپ، 10 جىلعا باس بوستاندىعىنان ايىرىلدى"، - دەدى تۇركىستان وبلىسى قىلمىستىق ىستەر جونىندەگى مامانداندىرىلعان اۋدانارالىق سوتىنىڭ سۋدياسى مارات كۇزدەۋبايەۆ.
ەسكە سالايىق، سۇمدىق وقيعا بيىل جازدا بايدىبەك اۋدانىندا بولعان ەدى. قوشقاراتا اۋىلىنداعى 14 جاستاعى بالا ءبىرىنشى سىنىپ وقۋشىسىن الداپ كوپىر استىنا الىپ بارعان ەكەن. سودان كەيىن كۇش كورسەتىپ، اۋىلداسىنا ويىنا كەلگەنىن ىستەگەن.
