Pavlodar oblysynda stýdentter men kásiporyn qyzmetkerlerinen aqsha bopsalady degen kúdikpen top ustaldy, dep habarlaidy dalanews.kz.
Politsiia men Ulttyq qaýipsizdik komitetiniń birlesken arnaiy operatsiiasy barysynda birneshe adam ustalǵan.
Arnaiy operatsiia Aqsý jáne Ekibastuz qalalarynda júrgizilgen. Tergeýdiń aldyn ala málimetinshe, kúdiktiler azamattardy qorqytyp, júieli túrde aqsha talap etken. Zardap shekkender arasynda joǵary oqý oryndarynyń stýdentteri men iri ónerkásip kásiporyndarynyń qyzmetkerleri bar.
Tintý kezinde aqsha, uialy telefondar, bank kartalary, qujattar jáne iske qatysty ózge de zattai dálelder tárkilendi. Sondai-aq, kúdiktiler mingen kólikter arnaiy aiyp turaǵyna qoiyldy.
Politsiianyń málimetinshe, bopsalaý deregi boiynsha qylmystyq ister tirkelgen. Barlyǵy 10 adam politsiiaǵa jetkizilip, olardyń tórteýine qamaýǵa alý túrindegi bultartpaý sharasy sanktsiialanǵan.
