Almaty qalasyndaǵy qoǵamdyq kólikterdiń birinde bolǵan oqiǵa áleýmettik jelide keńinen talqylanyp jatyr. Kýágerlerdiń aitýynsha, avtobýs júrgizýshisi jolaýshylardyń jaǵymsyz iiske bailanysty shaǵymynan keiin qart áieldi aiazdy kúni kólikten túsirip jibergen, dep habarlaidy Dalanews.kz
Jelide oqiǵaǵa qatysty videolar taralyp, qoldanýshylar júrgizýshiniń áreketin adamgershilikke jat qylyq dep baǵalaýda. Kópshilik qart adamdy aýa raiynyń qolaisyzdyǵyna qaramastan qoǵamdyq kólikten túsirý onyń qaýipsizdigine qater tóndirýi múmkin ekenin alǵa tartýda.
Áleýmettik jeli qoldanýshylary atalǵan jaǵdaiǵa quqyqtyq baǵa berilip, júrgizýshi men tasymaldaýshy kompaniianyń áreketteri tekserilýi tiis ekenin jazyp jatyr. Sonymen qatar olar jaýapty organdardan resmi túsinikteme berýdi talap etip otyr.
Qazirgi tańda oqiǵaǵa qatysty Almaty qalasynyń kólik salasyna jaýapty qurylymdary men tasymaldaýshy tarapynan resmi málimdeme jasalǵan joq. Jaǵdaidyń mán-jaiy anyqtalǵan soń qosymsha aqparat usynylady.
