الماتى قالاسىنداعى قوعامدىق كولىكتەردىڭ بىرىندە بولعان وقيعا الەۋمەتتىك جەلىدە كەڭىنەن تالقىلانىپ جاتىر. كۋاگەرلەردىڭ ايتۋىنشا، اۆتوبۋس جۇرگىزۋشىسى جولاۋشىلاردىڭ جاعىمسىز يىسكە بايلانىستى شاعىمىنان كەيىن قارت ايەلدى ايازدى كۇنى كولىكتەن ءتۇسىرىپ جىبەرگەن، دەپ حابارلايدى Dalanews.kz
جەلىدە وقيعاعا قاتىستى ۆيدەولار تارالىپ، قولدانۋشىلار جۇرگىزۋشىنىڭ ارەكەتىن ادامگەرشىلىككە جات قىلىق دەپ باعالاۋدا. كوپشىلىك قارت ادامدى اۋا رايىنىڭ قولايسىزدىعىنا قاراماستان قوعامدىق كولىكتەن ءتۇسىرۋ ونىڭ قاۋىپسىزدىگىنە قاتەر ءتوندىرۋى مۇمكىن ەكەنىن العا تارتۋدا.
الەۋمەتتىك جەلى قولدانۋشىلارى اتالعان جاعدايعا قۇقىقتىق باعا بەرىلىپ، جۇرگىزۋشى مەن تاسىمالداۋشى كومپانيانىڭ ارەكەتتەرى تەكسەرىلۋى ءتيىس ەكەنىن جازىپ جاتىر. سونىمەن قاتار ولار جاۋاپتى ورگانداردان رەسمي تۇسىنىكتەمە بەرۋدى تالاپ ەتىپ وتىر.
قازىرگى تاڭدا وقيعاعا قاتىستى الماتى قالاسىنىڭ كولىك سالاسىنا جاۋاپتى قۇرىلىمدارى مەن تاسىمالداۋشى تاراپىنان رەسمي مالىمدەمە جاسالعان جوق. جاعدايدىڭ ءمان-جايى انىقتالعان سوڭ قوسىمشا اقپارات ۇسىنىلادى.
