شىمكەنتتە كەيٸنگٸ جەتٸ جىلداعى جالپى ٶڭٸرلٸك ٶنٸمنٸڭ ەڭ جوعارى ٶسٸمٸ تٸركەلدٸ. بۇل قالاداعى ەلەۋمەتتٸك-ەكونوميكالىق دامۋدىڭ تۇراقتى قارقىنىن كٶرسەتەدٸ, دەپ حابارلايدى dalanews.kz.
2025 جىلدىڭ قورىتىندىسى بويىنشا مەگاپوليستٸڭ جالپى ٶڭٸرلٸك ٶنٸمٸ 5,7 ترلن تەڭگەگە جەتٸپ, الدىڭعى كەزەڭمەن سالىستىرعاندا 11%-عا ارتقان.
بۇل كٶرسەتكٸش رەسپۋبليكالىق ورتاشا دەڭگەيدەن (6,5%) ايتارلىقتاي جوعارى. ەكونوميكا كٶلەمٸ بويىنشا شىمكەنت ٶڭٸرلەر اراسىندا ەكٸنشٸ ورىندا, ياعني استانادان كەيٸنگٸ ورىندا تۇر.
ەكونوميكانىڭ ٶسۋٸنە ٶنەركەسٸپ ٶندٸرٸسٸنٸڭ دامۋى, جاڭا كەسٸپورىندار اشىلۋى جەنە ٶڭدەۋ سەكتورىنداعى ينۆەستيتسييالىق جوبالار ٸسكە اسۋى ەلەۋلٸ ٷلەس قوستى.
سونىمەن قاتار, قۇرىلىس سالاسى بەلسەندٸ دامۋى, تۇرعىن ٷي قۇرىلىسى كٶلەمٸنٸڭ ارتۋى, ينفراقۇرىلىمدىق جوبالار جٷزەگە اسۋى جەنە ساۋدا اينالىمى كەڭەيۋٸ دە وڭ ديناميكاعا ەسەر ەتتٸ.
جالپى ٶڭٸرلٸك ٶنٸم قۇرىلىمى نەگٸزگٸ سالالار تەڭگەرٸمدٸ دامىپ جاتقانىن كٶرسەتەدٸ. مىسالى, ٶنەركەسٸپتٸڭ ٷلەسٸ - 20%, ساۋدانىڭ ٷلەسٸ - 25,5%.
جالپى قالا ەكونوميكاسى سەنٸمدٸ ٶسٸم كٶرسەتٸپ وتىر. كەيٸنگٸ ٷش جىلدا جالپى ٶڭٸرلٸك ٶنٸم كٶلەمٸ شامامەن ەكٸ ەسەگە ٶسٸپ, 2022 جىلعى 3,3 ترلن تەڭگەدەن 2025 جىلى 5,7 ترلن تەڭگەگە جەتتٸ.
شاعىن جەنە ورتا بيزنەستٸڭ رٶلٸ دە ايرىقشا اتاپ ٶتٸلەدٸ. ونىڭ جٶٶ قۇرىلىمىنداعى ٷلەسٸ 40,5%-دان 56%-عا دەيٸن ٶسكەن. بۇل كەسٸپكەرلٸك بەلسەندٸلٸك ارتىپ, ەكونوميكانىڭ جەكەمەنشٸك سەكتورى نىعايىپ كەلە جاتقانىن بٸلدٸرەدٸ.
وسىلايشا, قول جەتكٸزٸلگەن كٶرسەتكٸشتەر شىمكەنت ەكونوميكاسىنىڭ جٷيەلٸ دامىپ جاتقانىن جەنە ونىڭ ەلدەگٸ نەگٸزگٸ ەكونوميكالىق ورتالىقتاردىڭ بٸرٸ رەتٸندەگٸ پوزيتسيياسىن كٷشەيتكەنٸن دەلەلدەيدٸ.
