2023 جىلدىڭ 24 اقپانىندا Darkhan Juzz لاقاپ اتىمەن تانىلعان قازاقستاندىق مۋزىكانت دارحان جٷنٸسبەكوۆ تايلاندتا جول اپاتىنان قازا تاپقان ەدٸ. ارادا ۋاقىت ٶتسە دە, ٶنەر يەسٸنٸڭ شىعارماشىلىعى مەن ايتقان سٶزدەرٸ جانكٷيەرلەرٸنٸڭ جادىنان ٶشكەن جوق. جەلٸدە ەنشٸنٸڭ تٸرٸ كەزٸندە بەرگەن سۇحباتى قايتا تاراپ, كٶپشٸلٸكتٸ تولقىتتى, دەپ حابارلايدى dalanews.kz.
اتالعان سۇحباتتا مۋزىكانت ٶزٸنٸڭ بولاشاعى تۋرالى ەرەكشە وي ايتقان. ول بٸر كەزدەرٸ ٶمٸرٸ تىم ۇزاققا سوزىلمايتىنداي سەزٸنگەنٸن, تٸپتٸ 36-37 جاسقا دەيٸن عانا ٶمٸر سٷرەتٸندەي ەلەستەتكەنٸن جەتكٸزگەن.
"مەن ٶزٸمدٸ 36-37 جاسقا دەيٸن عانا ٶمٸر سٷرەتٸندەي ەلەستەتەتٸنمٸن. بٸر قايعىلى جاعدايدان كٶز جۇماتىن سيياقتىمىن. ەۋەلٸ تانىمال بولامىن, ساحنادا جارقىرايمىن, سودان كەيٸن عايىپ بولامىن دەپ ويلايتىنمىن. بٸراق ۋاقىت ٶتە كەلە بۇل ويىمنان باس تارتتىم. باقىتتى ٶمٸر سٷرگٸم كەلدٸ. قارتايىپ, نەمەرەلەرٸمدٸ كٶرگٸم كەلدٸ, جارقىن بولاشاققا سەنگٸم كەلدٸ", – دەگەن ەدٸ مۋزىكانت.
ۆيدەو قايتا جارييالانعاننان كەيٸن جەلٸ قولدانۋشىلارى تٷرلٸ پٸكٸر جازدى. كەيبٸرٸ بۇل سٶزدەردٸ ەنشٸنٸڭ ٸشكٸ سەزٸمٸمەن بايلانىستىرسا, ەندٸ بٸرٸ تاعدىردىڭ جازۋى دەپ قابىلداعان.
"بەرٸن جٷرەگٸمەن سەزگەن ەكەن", "ەرتە كەتتٸ", "تٸرٸ بولعاندا تالاي بيٸكتٸ باعىندىرار ەدٸ", "جاقسى سٶز ايتىپ جٷرۋ كەرەك دەگەن وسى", – دەپ جازدى جانكٷيەرلەرٸ.
ەسكە سالايىق, Darkhan Juzz 33 جاسىندا تايلاندتا بولعان جول اپاتىنان كٶز جۇمدى. كەيٸن الماتىدا جٷزدەگەن ادام ارباتقا جينالىپ, مارقۇمدى ەسكە الدى. جانكٷيەرلەرٸ گٷل مەن شام ۇستاپ, ونىڭ ەندەرٸن ورىنداپ, ٶنەر يەسٸنٸڭ رۋحىنا تاعزىم ەتكەن بولاتىن.
دارحان جٷنٸسبەكوۆتٸڭ ەڭ تانىمال ەندەرٸنٸڭ بٸرٸ – Erikpe. قازٸر بۇل تۋىندىنى ەنشٸ YENLIK ورىنداپ جٷر.
