Qarjylyq monitoring agenttigi Bas prokýratýranyń úilestirýimen jáne Sot ákimshiliginiń ishki qaýipsizdik bólimshelerimen birlesip, áleýmettik osal toptarǵa — onyń ishinde kópbalaly otbasylarǵa, jetim balalarǵa jáne múgedektigi bar adamdarǵa arnalǵan páterlerdi zańsyz iemdený faktisi boiynsha tergeý júrgizip jatyr, dep habarlaidy Dalanews.kz.
Málimetke sáikes, 2014–2016 jyldary "Tólendi" turǵyn úi-qurylys kooperativin basqarǵan A. Baijumanov paishylardyń aqshalai qarajatyn jymqyrýdyń aýqymdy shemasyn uiymdastyrǵany úshin 8 jylǵa bas bostandyǵynan aiyrylǵan.
Keiin páterlerdiń bir bóligi áleýmettik osal sanattaǵy azamattarǵa arnalǵan turǵyn úiler retinde Astana qalasy ákimdiginiń bastamasymen aiaqtalǵan. Bas bostandyǵynan aiyrý oryndarynan bosatylǵannan keiin Baijumanov jańa zańsyz shema ázirlegeni anyqtaldy.
Tergeý nusqasyna sáikes, bul shema "ótken kúnmen rásimdelgen" jalǵan qujattardy paidalaný arqyly páterlerdi zańsyz iemdenýge baǵyttalǵan.
Nátijesinde 80-nen astam adam "jalǵan úlesker" retinde jábirlenýshi dep tanylǵan. Ýákiletti uiymnan 170 jyljymaityn múlik nysanyna zańsyz quqyq rásimdelgen.
Páterlerdi óteýsiz alǵannan keiin Baijumanov pen onyń sybailastary olardy úshinshi tulǵalarǵa satýdy josparlaǵan. Osylaisha jalpy quny 2,3 mlrd teńgeden asatyn páterlerdi zańsyz iemdený áreketiniń joly kesildi.
Kúdiktilerge qatysty qamaýda ustaý túrindegi bultartpaý sharasy sanktsiialandy. Tergeý jalǵasyp jatyr.
