KazTAG aqparat agenttiginiń bas redaktory Ámir Qasenov úiqamaqqa aýystyryldy. Bul týraly advokat Dáýlet Jumaǵulov málimdedi, dep habarlaidy Dalanews.kz.
«Tergeý soty qylmystyq qýdalaý organynyń qamaýda ustaý týraly ótinishin qanaǵattandyrýdan bas tartty. Ámir Qasenov tergeý kezeńinde úiqamaqta bolady. Bizdiń jumysymyz jalǵasýda»,- dedi advokat Dáýlet Jumaǵulov.
Sot otyrysyna bes erikti advokat qatysqan.
Eske salaiyq, 23 jeltoqsanda Ámir Qasenov Astananyń Esil aýdandyq politsiia basqarmasyna tergeý áreketterine shaqyrylǵan. Keiin onyń advokattary bas redaktordyń ustalǵanyn rastaǵan.
Qysqa ýaqyt ishinde eki iri aqparat quraly – QazTAG halyqaralyq aqparat agenttigi men Orda.kz – Qylmystyq kodekstiń 274-baby "kórineý jalǵan aqparat taratý" boiynsha qozǵalǵan isterdiń figýranttary boldy.
