Almatyda er adam tanys áieli men onyń alty jasar qyzyn shoiyn qazanmen uryp óltirgeni úshin ómir boiyna bas bostandyǵynan aiyryldy, dep habarlaidy Dalanews.kz.
Kriminalnyi Kazahstan telegram-arnasynyń málimetinshe, qaza bolǵan áieldiń anasy da aýyr jaraqat alǵan.
Tergeý málimetterine sáikes, olardyń arasynda turmystyq daý shyqqan. Ashýǵa boi bergen er adam qazandy qarý retinde qoldanyp, úsh adamdy soqqyǵa jyqqan.
"Balanyń aiqaiyn estigen kórshisi páterdiń esigin qaǵyp, ne bolyp jatqanyn anyqtaýǵa tyrysqan. Biraq qylmysker ony da qazanmen mańdaiynan soǵyp, áiel esinen tanyp qalǵan", - deidi derekkóz.
Qylmystan keiin er adam qanǵa boialǵan qazandy bir úidiń qaqpasynyń janynda jasyrǵan. Sotta ol óz kinásin tolyǵymen moiyndamady. Alaida saraptama nátijesinde qazannan onyń saýsaq izderi tabyldy. Páterde basqa adamdardyń bolýyna qatysty aiǵaqtar tabylmady.
Qylmysker áieldi jáne onyń alty jasar qyzyn óltirgeni úshin ómir boiyna bas bostandyǵynan aiyryldy. Buǵan deiin ol adam óltirgeni úshin jazasyn ótep, merziminen buryn bosap shyqqan bolatyn.
