2026 jyldyń 1 qańtarynan bastap elimizde otandyq taýar óndirýshiler Reestri (OTÓ Reestri) iske qosylady. Bul – otandyq biznestiń retteletin satyp alýlarǵa jáne memlekettik qoldaýdyń maqsatty sharalaryna qol jetkizýi úshin mindetti quralǵa ainalatyn tsifrlyq platforma, dep habarlaidy Dalanews.kz.
«Ónerkásiptik saiasat týraly» zańǵa engizilgen túzetýlerge sáikes, prioritetti negizde satyp alýlarǵa qatysý jáne memlekettik qoldaý alý tek osy Reestrge engen kompaniialarǵa ǵana múmkin bolmaq.
Satyp alýlarǵa jáne memlekettik qoldaýǵa qol jetkizý sharttary:
Negizgi shart – Qazaqstan territoriiasynda naqty óndirisi rastalǵan bolýy tiis.
Tizilimde tirkelý úshin ETsQ arqyly qol qoiylǵan ótinimdi berý, óndiristi tekserýden jáne baǵalaýdan ótý qajet. Tirkeý e-ondiris.gov.kz platformasy arqyly onlain rejiminde júzege asyrylady.
Málimetterdiń bir bóligi memlekettik derekter bazasynan avtomatty túrde júkteledi, jetispeitin qujattardy ótinish berýshi ózi júkteidi. Júie «tsifrlyq izder» boiynsha tsifrlyq verifikatsiia júrgizedi, iaǵni óndiristik alańdardy, jabdyqtardy, ruqsat berý qujattaryn, jetkizý tizbegin, sondai-aq elektrondyq shot-faktýralar men kedendik statistika derekterin taldaidy.
Syrtqy ekonomikalyq qyzmettiń taýar nomenklatýrasynyń árbir kody boiynsha (barlyǵy 3 371 taýar toby) tehnologiialyq operatsiialarǵa jáne oqshaýlaýdyń eń tómengi deńgeiine qoiylatyn talaptar belgilengen.
Tizilimge engizilgennen keiin qatysýshy mártebesin saqtaý úshin monitoring kózdelgen.
