Bankter mobıldi aýdarymdar týraly alǵashqy derekterdi salyq organdaryna jibere bastaıdy, dep habarlaıdy Dalanews.kz.
15 sáýirge deıin bankter qazaqstandyqtardyń mobıldi aýdarymdary boıynsha birinshi toqsan qorytyndysyn salyq organdaryna usynady.
Alaıda baqylaýǵa barlyq aýdarym ilikpeıdi. Tek úsh shart qatar oryndalǵan jaǵdaıda nazarǵa alynady:
- bir adamǵa 100 jáne odan kóp túrli tulǵadan aqsha túsýi;
- bul aýdarymdardyń úsh aı qatarynan jalǵasýy;
- jalpy somasy 1 020 000 teńgeden asýy.
Osy talaptar tolyq sáıkes kelgende ǵana azamat salyq organdarynyń baqylaýyna túsýi múmkin.
Memlekettik kirister komıteti mundaı jaǵdaı shottardyń birden buǵattalatynyn bildirmeıtinin atap ótti. Shekteýler tek jiberilgen eskertýler oryndalmaǵan kezde engiziledi.
Aýdarymdar jeke sıpatta bolsa, azamat ony dáleldeı alady.
