Astanada kásipkerlerden aqsha bopsalaǵan 33 jastaǵy kúdikti qolǵa tústi, dep habarlaıdy Dalanews.kz.
Tergeý nusqasyna sáıkes, kúdikti aldyn ala oılastyrylǵan tásilmen áreket etken. Ol jalǵan senimhattar daıyndap, ózin Qazaqstandaǵy belgili brendterdiń resmı ókili retinde tanystyrǵan. Osylaısha kásipkerlermen baılanysqa shyǵyp, taýar satý barysynda "zańbuzýshylyqtar anyqtalǵanyn" alǵa tartqan.
Odan keıin, quqyq qorǵaý organdarynyń dereginshe, máseleni "rettep berýdi" usynyp, yqtımal jaýapkershilikten qutqarýǵa ýáde etip, aqsha talap etken. Atalǵan isterdiń birinde keltirilgen shyǵyn kólemi 300 myń teńgeden asqan.
Polısıa qyzmetkerleri osyndaı sıpattaǵy tórt alaıaqtyq deregin tirkegen. Kúdiktiniń jeke basy jedel-izdestirý sharalary barysynda anyqtalyp, turǵylyqty mekenjaıynda ustalǵan. Qazir ol polısıa bólimine jetkizilip, is boıynsha sotqa deıingi tergeý júrgizilip jatyr.
