2026 jylǵy 1 naýryzdaǵy jaǵdai boiynsha Biryńǵai jinaqtaýshy zeinetaqy qoryndaǵy (BJZQ) zeinetaqy aktivteriniń jalpy kólemi 26,8 trln teńgege jetti, dep habarlaidy Dalanews.kz.
Bul qarajattyń negizgi bóligi Ulttyq banktiń basqarýynda, naqtyraq aitqanda 25,8 trln teńge senimgerlik basqarýǵa berilgen. Sonymen qatar 877 mlrd teńge jumys berýshilerdiń mindetti zeinetaqy jarnalary retinde jinaqtalǵan.
Ulttyq bank basqaratyn aktivterdiń keiingi 12 aidaǵy tabysy 11,39% bolǵan.
Qor qarajaty ártúrli qarjy quraldaryna investitsiialanǵan. Sonyń ishinde eń úlken úles Qarjy ministrliginiń memlekettik baǵaly qaǵazdaryna tiesili. Budan bólek, kvazimemlekettik kompaniialardyń obligatsiialary da portfelde mańyzdy oryn alady. Aktivterdiń edáýir bóligi indekstik basqarý arqyly ornalastyrylǵan.
Valiýtalyq qurylymyna kelsek, zeinetaqy jinaqtarynyń basym bóligi teńgemen saqtalǵan. Al qalǵan bóligi shetel valiýtasynda, negizinen AQSh dollarynda investitsiialanǵan.
