2026 جىلعى 1 ناۋرىزداعى جاعداي بويىنشا بٸرىڭعاي جيناقتاۋشى زەينەتاقى قورىنداعى (بجزق) زەينەتاقى اكتيۆتەرٸنٸڭ جالپى كٶلەمٸ 26,8 ترلن تەڭگەگە جەتتٸ, دەپ حابارلايدى Dalanews.kz.
بۇل قاراجاتتىڭ نەگٸزگٸ بٶلٸگٸ ۇلتتىق بانكتٸڭ باسقارۋىندا, ناقتىراق ايتقاندا 25,8 ترلن تەڭگە سەنٸمگەرلٸك باسقارۋعا بەرٸلگەن. سونىمەن قاتار 877 ملرد تەڭگە جۇمىس بەرۋشٸلەردٸڭ مٸندەتتٸ زەينەتاقى جارنالارى رەتٸندە جيناقتالعان.
ۇلتتىق بانك باسقاراتىن اكتيۆتەردٸڭ كەيٸنگٸ 12 ايداعى تابىسى 11,39% بولعان.
قور قاراجاتى ەرتٷرلٸ قارجى قۇرالدارىنا ينۆەستيتسييالانعان. سونىڭ ٸشٸندە ەڭ ٷلكەن ٷلەس قارجى مينيسترلٸگٸنٸڭ مەملەكەتتٸك باعالى قاعازدارىنا تيەسٸلٸ. بۇدان بٶلەك, كۆازيمەملەكەتتٸك كومپانييالاردىڭ وبليگاتسييالارى دا پورتفەلدە ماڭىزدى ورىن الادى. اكتيۆتەردٸڭ ەدەۋٸر بٶلٸگٸ يندەكستٸك باسقارۋ ارقىلى ورنالاستىرىلعان.
ۆاليۋتالىق قۇرىلىمىنا كەلسەك, زەينەتاقى جيناقتارىنىڭ باسىم بٶلٸگٸ تەڭگەمەن ساقتالعان. ال قالعان بٶلٸگٸ شەتەل ۆاليۋتاسىندا, نەگٸزٸنەن اقش دوللارىندا ينۆەستيتسييالانعان.
