Eýraziia damý banki (EABR) Qazaqstan qor birjasynda (KASE) úsh jyldyq merzimge arnalǵan dollarlyq obligatsiialaryn sátti ornalastyryp, 121,6 mln dollar tartty, dep habarlaidy Dalanews.kz.
Obligatsiialar boiynsha jyldyq tabys 5,35% bolyp belgilendi. Bul AQSh-tyń úsh jyldyq memlekettik baǵaly qaǵazdarynan 1,5 paiyz joǵary. Investorlar tarapynan qyzyǵýshylyq joǵary bolyp, suranys usynystan 20%-dan astamǵa kóp boldy.
Jinalǵan qarajat EABR-ǵa múshe elderdegi jobalardy qarjylandyrýǵa jumsalady. Negizgi baǵyttar - infraqurylym, energetika, kólik jáne ónerkásip salalary.
Ornalastyrýǵa "Halyk Finance", "Alatau City Invest" jáne "Forte Finance" kompaniialary qatysty.
Aita keteiik, EABR – Eýraziia aimaǵynda jumys isteitin halyqaralyq damý banki. Ol 20 jyldan beri elder arasyndaǵy ekonomikalyq bailanysty nyǵaityp keledi.
2025 jyldyń sońynda bank portfelinde jalpy quny 19,6 mlrd dollar bolatyn 326 joba bar. Atalǵan jobalar negizinen kólik, tsifrlandyrý, jasyl energetika, aýyl sharýashylyǵy jáne ónerkásip salalaryn qamtidy.
