Almatyda politsiianyń burynǵy tergeýshisi qylmysty jasyrǵany úshin sottaldy, dep habarlaidy Dalanews.kz.
Arnaiy prokýrorlar Almaty qalasy Naýryzbai aýdany Politsiia basqarmasynyń burynǵy tergeýshisine qatysty sotqa deiingi tergep-tekserýdi aiaqtady.
Tergeýshi 14 qylmys jasalǵany týraly málimet qolynda bolǵanyna qaramastan, olardy qasaqana tirkemei, qylmystyq quqyqbuzýshylyqtardy esepke alýdyń belgilengen tártibin buzǵany anyqtalǵan.
Júrgizilgen keshendi tergeý áreketteri aiyptalýshynyń quqyqqa qarsy áreketin rastaǵan.
"Kúdiktiniń áreketi Qylmystyq kodekstiń 433-baby 2-bóligi boiynsha saralandy. Sot úkimimen burynǵy tergeýshi kináli dep tanylyp, memlekettik qyzmette 3 jyl merzimge qyzmet atqarýǵa tyiym salyndy. Onyń 2 jylǵa bas bostandyǵy shekteldi. Sondai-aq, politsiia leitenanty arnaýly ataǵynan aiyryldy", - dep jazylǵan prokýratýra habarlamasynda.
