Qyrǵyzstanda jemqorlyq isi aiasynda burynǵy parlament depýtaty Shairbek Tashiev ustaldy. Ol aqpanda qyzmetinen ketken Ulttyq qaýipsizdik memlekettik komitetiniń tóraǵasy Kamchybek Tashievtiń týǵan aǵasy. Bul týraly Qyrǵyzstannyń Ishki ister ministrligi habarlady, dep habarlaidy Dalanews.kz.
Vedomstvo málimetinshe, ustalý «Qyrǵyzmunaigaz» kásipornyndaǵy qarjy jymqyrý deregi boiynsha qozǵalǵan qylmystyq is sheńberinde júzege asqan. Tergeýdi bastaýǵa Ministrler kabineti janyndaǵy Memlekettik salyq qyzmetiniń materialdary, sondai-aq aýditorlyq tekseris qorytyndylary negiz bolǵan.
IIM ókilderi tergeý amaldary jalǵasyp jatqanyn, ázirge egjei-tegjeili aqparat jariialanbaitynyn málimdedi. Buǵan deiin «Qyrǵyzmunaigazdaǵy» zańbuzýshylyqtar isi boiynsha birneshe adam, onyń ishinde Tashievterdiń jieni Baiǵazy Matisaqov ta ustalǵan. Ol atalǵan kásiporynmen bailanysty kompaniiany basqarǵan.
Shairbek Tashiev Jogorký Keneshtiń VIII shaqyrylymynyń depýtaty bolǵan. Alaida «Qyrǵyzmunaigaz» isine qatysty tergeý bastalyp, aǵasynyń qyzmetten ketýinen keiin ol depýtattyq mandatyn tapsyrǵan. Osyndai sheshimdi Kamchybek Tashievke jaqyn sanalatyn taǵy onǵa jýyq depýtat qabyldaǵan.
