قىرعىزستاندا جەمقورلىق ٸسٸ اياسىندا بۇرىنعى پارلامەنت دەپۋتاتى شايربەك تاشيەۆ ۇستالدى. ول اقپاندا قىزمەتٸنەن كەتكەن ۇلتتىق قاۋٸپسٸزدٸك مەملەكەتتٸك كوميتەتٸنٸڭ تٶراعاسى كامچىبەك تاشيەۆتٸڭ تۋعان اعاسى. بۇل تۋرالى قىرعىزستاننىڭ ٸشكٸ ٸستەر مينيسترلٸگٸ حابارلادى, دەپ حابارلايدى Dalanews.kz.
ۆەدومستۆو مەلٸمەتٸنشە, ۇستالۋ «قىرعىزمۇنايگاز» كەسٸپورنىنداعى قارجى جىمقىرۋ دەرەگٸ بويىنشا قوزعالعان قىلمىستىق ٸس شەڭبەرٸندە جٷزەگە اسقان. تەرگەۋدٸ باستاۋعا مينيسترلەر كابينەتٸ جانىنداعى مەملەكەتتٸك سالىق قىزمەتٸنٸڭ ماتەريالدارى, سونداي-اق اۋديتورلىق تەكسەرٸس قورىتىندىلارى نەگٸز بولعان.
ٸٸم ٶكٸلدەرٸ تەرگەۋ امالدارى جالعاسىپ جاتقانىن, ەزٸرگە ەگجەي-تەگجەيلٸ اقپارات جارييالانبايتىنىن مەلٸمدەدٸ. بۇعان دەيٸن «قىرعىزمۇنايگازداعى» زاڭبۇزۋشىلىقتار ٸسٸ بويىنشا بٸرنەشە ادام, ونىڭ ٸشٸندە تاشيەۆتەردٸڭ جيەنٸ بايعازى ماتيساقوۆ تا ۇستالعان. ول اتالعان كەسٸپورىنمەن بايلانىستى كومپانييانى باسقارعان.
شايربەك تاشيەۆ جوگوركۋ كەنەشتٸڭ VIII شاقىرىلىمىنىڭ دەپۋتاتى بولعان. الايدا «قىرعىزمۇنايگاز» ٸسٸنە قاتىستى تەرگەۋ باستالىپ, اعاسىنىڭ قىزمەتتەن كەتۋٸنەن كەيٸن ول دەپۋتاتتىق مانداتىن تاپسىرعان. وسىنداي شەشٸمدٸ كامچىبەك تاشيەۆكە جاقىن سانالاتىن تاعى ونعا جۋىق دەپۋتات قابىلداعان.
