8 sáýir men 8 mamyr aralyǵynda qalada «Almaty – bizdiń ortaq úıimiz» naýqany ótedi. Qalanyń barlyq aýdanyn qamtıtyn naýqanǵa Almatynyń árbir turǵyny men qonaǵy qatysa alady.
«Almaty – bizdiń ortaq úıimiz» naýqanynyń basty maqsaty - qalalyq ınfraqurylymǵa uqypty qaraý qundylyǵyn qalyptastyrý, halyq arasynda joǵary azamattyq jaýapkershilik pen ekologıalyq mádenıetti tárbıeleý, jeke ekologıalyq bastamalardy qoldaý men iske asyrýǵa jaǵdaı jasaý.
Naýqan 4 negizgi kezeńge bólingen:
1. «Bizdiń qala – bizdiń kósheler» (8-14 sáýir) - qalalyq ınfraqurylymdy: joldy, jer ústi jáne jer asty jaıaý júrginshiler ótkelderin, aıaldama keshenderin, baǵdarshamdardy, jaryq berý quraldaryn, belgilerdi, týrısik totemderdi, qoǵamdyq dárethanalardy tazalaý jáne retke keltirý aptalyǵy. Dezınfeksıa jáne dezınseksıa júrgize otyryp, lúkter aýystyrylady, qoqys jáshikteri jóndeledi.
2. «Bizdiń qala – bizdiń aýla, bizdiń úı» (15-21 sáýir): kóshet otyrǵyzý aptalyǵy. Aýlalar men oıyn alańdary jóndelip, retke keltiriledi. Aýlalar men esik aldyndaǵy shaǵyn baqty kógaldandyrǵysy keletinderge kóshet, jeke úılerdiń qorshaýyn syrlaǵysy keletinderge boıaý beriledi. Osy kezeńde túrli shyǵarmashylyq ári ekologıalyq is-sharalar bastalady – «Jas jubaılar» kreatıvti eko-haby men aleıa ashý, «Eko-marafon» ploggıngi, dámhanalar men meıramhanalarda tamaq qaldyqtaryn jınaý jobasy; «Taza oıyndar» aksıasy, «Merzimi ótken dári-dármekti ótkizińiz – tabıǵatty saqtańyz»; «Úzdik aýla», "Úzdik shaǵyn baq», «Komýnaldyq qyzmettiń úzdik qyzmetkeri» baıqaýlary, «Jasyl planeta – bizdiń ortaq úıimiz» mektep sýretteri baıqaýy jáne t.b. 20 sáýir kúni jalpyqalalyq senbilik josparlanǵan.
3. «Bizdiń qala - bizdiń taý, ózen men kólder» (22-28 sáýir): jaǵalaýlar men sý aıdyndaryn, saıabaqtardy, skverler men taý bókterin tazalaý aptalyǵy.
4. «Bizdiń qala – bizdiń maqtanysh» (29 sáýir – 8 mamyr): eskertkishter men mádenıet nysandardy tazalaý aptalyǵy. Sońǵy aptada qaladaǵy sýburqaqtar iske qosylyp, naýqanǵa belsendi túrde qatysqan turǵyndar syılyqtarmen marapattalady.
Naýqan qorytyndysy boıynsha 1765 aıaldama pavılony, 480 baǵdarsham nysany, 56 jer asty jáne 78 jer ústi ótkeli, 1500 qoqys alańy, 24747 qoqys jáshigi, 15454 oryndyq, 161 eskertkish jýylyp, jóndeýden ótedi. Qalanyń komýnaldyq qyzmeti 153 saıabaq pen skverdi, 1349 km aryq jelisin, 4468 km kóshe men trotýardy, 235 lúkti tazalaıdy. Naýqan aıasynda 3420 jaryq núktesi, 650 belgi jańartylyp, 20 myńnan astam aǵash pen buta otyrǵyzylady. 1 mamyrda qalada 65 sýburqaq iske qosylady.
«Almaty – bizdiń ortaq úıimiz» ekologıalyq naýqanyn ótkizý formaty, qatysý sharty, mekenjaıy jáne baılanys nómiri týraly qosymsha aqparat almaty.kz saıtynda jáne Almaty ákimdiginiń áleýmettik jelilerdegi paraqshasynda jarıalanady. Sondaı-aq, veb-saıtqa jaqynda búkil qalaǵa ilinetin banner, poster jáne afıshadaǵy arnaıy QR-kod arqyly kirýge bolady.
Búginnen bastap, bir aı boıy biz «Almaty – bizdiń ortaq úıimiz» naýqanyn bastaımyz jáne ótkizemiz. Maqsat - bizdiń súıikti qalamyz odan da jaqsy jáne ádemi bolýy úshin barlyq nıettes turǵyndardy biriktirý. Bul tek tazalyq pen tártipke ǵana emes, sonymen birge ózimiz birge jasaǵan qundylyqtarǵa uqypty qaraýǵa da qatysty.
Úlken ister kishiden bastalady. Uly Abaı aıtqandaı, «Ózin tárbıeleı bilmegen, ózgege ónege kórsete almaıdy». Sondyqtan ıgi isterdi ózimizden, úıimizden, aýlamyzdan bastaıyq. Almatylyqtar únemi óz qalasyna erekshe qurmetpen qaraý arqyly erekshelenedi. Árıne, men árkimniń jeke isteri bar ekenin túsinemin, biraq qalamyz bireý ári bárimizge ortaq.
Meniń tapsyrmam boıynsha barlyq qalalyq komýnaldyq qyzmetter, aýdan ákimdikteri aldaǵy naýqanǵa belsendi qatysady. Barlyq is-sharalar qala atynan qajetti resýrstarmen qamtamasyz etilgen.
Naýqannyń belsendi qatysýshylaryna arnalǵan áleýmettik jelidegi heshtegter: #AlmatyNashObshııDom, #NasMnogoGorodOdın, #AlmatyBizdińOrtaqÚıimiz, #BizKóppizQalajalǵyz.
