"Biryńǵaı jınaqtaýshy zeınetaqy qory" AQ qazaqstandyqtardyń jeke derekteriniń taralyp ketýine baılanysty málimdeme jasady, dep habarlaıdy Dalanews.kz.
"Tekserý barysynda buzýshylyqtar anyqtalǵan joq. "BJZQ" AQ Sıfrlyq damý, ınovasıalar jáne aeroǵarysh ónerkásibi mınıstrligi, Ulttyq qaýipsizdik komıteti jáne "Memlekettik tehnıkalyq qyzmet" AQ-men birlesip, BJZQ-dan derekterdiń tarap ketýi týraly paıda bolǵan aqparatqa baılanysty júrgizgen aqparattyq qaýipsizdik talaptaryna sáıkestigin jospardan tys tekserýi barysynda Qor tarapynan buzýshylyqtardyń anyqtalmaǵandyǵyn habarlaıdy", - dep jazylǵan resmı habarlamada.
Eske salaıyq, bıyl 16 aqpanda belgisiz bireýler GitHub resýrsynda qazaqstandyqtardyń 2019-2022 jyldardaǵy jeke derekteri jarıalaǵan bolatyn. Munda qazaqstandyq baılanys operatorlarynyń abonentteri týraly resmı aqparattary bar, sondaı-aq "Qazaqtelekom" AQ, "Biryńǵaı jınaqtaýshy zeınetaqy qory" AQ, "Eır Astana" AQ ataldy.
Osylaısha Sıfrlyq damý mınıstrligi atalǵan kompanıalardy teksergen edi.
Mınıstrlik oqıǵaǵa qandaı da bir memleket nemese uıymnyń qatysy jóninde vedomstvoda bultartpas dálel joǵyn alǵa tartty.
Sondaı-aq Air Astana áýe kompanıasy da jolaýshylardyń jeke derekteriniń qaýipsiz saqtalǵan degen aqparat taratty.
