Memlekettik shekarany zańsyz kesip ótken Iran azamattaryna qatysty sot úkimi shyǵaryldy, dep habarlaidy dalanews.kz.
Aǵymdaǵy jyldyń 24 shildesinde Iran Islam Respýblikasynyń úsh azamaty balyq aýlaý kezinde Kaspii teńizi arqyly Qazaqstan Respýblikasy shekarasyn zańsyz kesip ótken.
Atalǵan azamattar Qazaqstan Respýblikasy Ulttyq qaýipsizdik komitetiniń Shekara qyzmetiniń áskeri qyzmetshilerimen ustalǵan.
Qazaqstan Respýblikasy Qylmystyq kodeksiniń 392-babynyń 1-1-bóligimen, iaǵni adamdar tobynyń aldyn ala sóz bailasýy boiynsha memlekettik shekarany ótkizý pýnktterinen tys jerde qasaqana zańsyz kesip ótý faktisi boiynsha qylmystyq is qozǵalǵan.
Qaraqiia aýdandyq sotynyń úkimimen Iran Islam Respýblikasynyń úsh azamaty kináli dep tanylyp, olarǵa Qazaqstan Respýblikasynyń sheginen tys jerge shyǵaryp jibere otyryp, bir jylǵa bas bostandyǵynan aiyrý túrindegi jaza taǵaiyndaldy. Sot úkimi qazirgi ýaqytta zańdy kúshine engen joq.
Memlekettik shekarany ótkizý pýnktterinen tys jerde zańsyz kesip ótý zańnamada belgilengen jaýaptylyqqa ákep soǵady.
