مەملەكەتتٸك شەكارانى زاڭسىز كەسٸپ ٶتكەن يران ازاماتتارىنا قاتىستى سوت ٷكٸمٸ شىعارىلدى, دەپ حابارلايدى dalanews.kz.
اعىمداعى جىلدىڭ 24 شٸلدەسٸندە يران يسلام رەسپۋبليكاسىنىڭ ٷش ازاماتى بالىق اۋلاۋ كەزٸندە كاسپيي تەڭٸزٸ ارقىلى قازاقستان رەسپۋبليكاسى شەكاراسىن زاڭسىز كەسٸپ ٶتكەن.
اتالعان ازاماتتار قازاقستان رەسپۋبليكاسى ۇلتتىق قاۋٸپسٸزدٸك كوميتەتٸنٸڭ شەكارا قىزمەتٸنٸڭ ەسكەري قىزمەتشٸلەرٸمەن ۇستالعان.
قازاقستان رەسپۋبليكاسى قىلمىستىق كودەكسٸنٸڭ 392-بابىنىڭ 1-1-بٶلٸگٸمەن, ياعني ادامدار توبىنىڭ الدىن الا سٶز بايلاسۋى بويىنشا مەملەكەتتٸك شەكارانى ٶتكٸزۋ پۋنكتتەرٸنەن تىس جەردە قاساقانا زاڭسىز كەسٸپ ٶتۋ فاكتٸسٸ بويىنشا قىلمىستىق ٸس قوزعالعان.
قاراقييا اۋداندىق سوتىنىڭ ٷكٸمٸمەن يران يسلام رەسپۋبليكاسىنىڭ ٷش ازاماتى كٸنەلٸ دەپ تانىلىپ, ولارعا قازاقستان رەسپۋبليكاسىنىڭ شەگٸنەن تىس جەرگە شىعارىپ جٸبەرە وتىرىپ, بٸر جىلعا باس بوستاندىعىنان ايىرۋ تٷرٸندەگٸ جازا تاعايىندالدى. سوت ٷكٸمٸ قازٸرگٸ ۋاقىتتا زاڭدى كٷشٸنە ەنگەن جوق.
مەملەكەتتٸك شەكارانى ٶتكٸزۋ پۋنكتتەرٸنەن تىس جەردە زاڭسىز كەسٸپ ٶتۋ زاڭنامادا بەلگٸلەنگەن جاۋاپتىلىققا ەكەپ سوعادى.
