Qazaqstan Respýblikasy Densaýlyq saqtaý ministrligi Resei Federatsiiasynyń Irkýtsk oblysynda asa qaýipti infektsiiaǵa kúdik keltirilgen jaǵdai týraly habarlamaǵa bailanysty ondaǵy epidemiologiialyq ahýaldy baqylaýda ustap otyr, dep habarlaidy dalanews.kz.
Qazaqstanda jaǵdai turaqty baqylaýda, aldyn alý sipatyndaǵy qajetti sharalar qabyldandy. Memlekettik shekara arqyly ótkizý pýnktterinde sanitariialyq-karantindik baqylaý júrgizilýde. Kóliktiń barlyq túrlerinde dene qyzýy joǵarylaǵan, aýrý belgileri nemese asa qaýipti infektsiiaǵa kúdigi bar adamdar anyqtalǵan joq.
Aldyn ala baǵalaý boiynsha, infektsiianyń Qazaqstanǵa ákeliný qaýpi tómen deńgeide qalyp otyr. Jaǵdaiǵa baǵa berý jáne qabyldanyp jatqan sharalar resmi aqparattyń túsýine qarai naqtylanatyn bolady. Sapardan keiin aýrý belgileri paida bolǵan jaǵdaida meditsinalyq kómekke ýaqtyly júginip, dárigerge bolǵan jerińiz ben sapar kúnderi týraly habarlaý qajet.
Densaýlyq saqtaý ministrligi azamattarǵa resmi aqparat kózderine ǵana senýge keńes beredi. Qolda bar málimetterge sáikes, qazirgi ýaqytta reseilik mamandar epidemiologiialyq tergep-tekserý júrgizip jatyr. Qorytyndy diagnoz ázirge resmi túrde rastalǵan joq, yqtimal juqtyrý kózi men mán-jailary anyqtalýda.
Meditsinalyq baqylaýda 197 bailanysta bolǵan adam bar. Qolda bar málimetter boiynsha, olardan aýrý belgileri anyqtalǵan joq, zerthanalyq zertteý nátijeleri teris. Shelehov aýdandyq aýrýhanasynda qajetti epidemiiaǵa qarsy is-sharalar júrgizilýde.
Jeksenbi, 4 qazanda Rospotrebnadzordyń baspasóz qyzmeti Irkýtsk oblysynda, Irkýtsk qalasynda jáne Shelehovta sanitariialyq-epidemiologiialyq jaǵdai turaqty ekenin jáne oba aýrýynyń jaǵdailary anyqtalmaǵanyn habarlady. Irkýtsk oblysynda 28 jastaǵy áieldiń qaitys bolý sebebi etiologiiasy anyqtalmaǵan pnevmoniia retinde sipattalýda.
